Bhola Shankar | టాలీవుడ్‌లో మెగాస్టార్ చిరంజీవి క్రేజ్ గురించి ప్రత్యేకంగా చెప్పుకోవాల్సిన పనిలేదు. ఇండస్ట్రీలోని అనేక మంది హీరోలే ఆయన అభిమానులం అంటూ బహిరంగంగానే చెబుతుంటారు. ఎన్టీఆర్, ఏఎన్‌ఆర్ వంటి అగ్ర హీరోలు ఉండగానే తనకంటూ ఓ ప్రత్యేకమైన స్టైల్‌ను రూపొందించుకొని రాణించారు మెగాస్టార్. దాదాపు రెండు దశాబ్దాల పాటు ఇండస్ట్రీలో నెంబర్ వన్ హీరోగా వెలుగొందారని చెబుతుంటారు.
ఇదిలా ఉండగా.. ప్రస్తుతం మెగాస్టార్(Chiranjeevi) మెహెర్ రమేశ్ దర్శకత్వంలో భోళా శంకర్(Bhola Shankar) అనే సినిమాలో హీరోగా నటించారు. ఇందులో మిల్కీ బ్యూటీ తమన్నా కథానాయికగా నటించగా.. మహానటి కీర్తి సురేశ్, అక్కినేని హీరో సుశాంత్ కీలక పాత్రలో నటించారు. ఈ చిత్రాన్ని ఆగష్టు 11న ప్రపంచ వ్యాప్తంగా విడుదల చేయనున్నారు. ఈ క్రమంలో మేకర్స్ ప్రమోషన్స్ షురూ చేశారు. ఈ క్రమంలోనే సూర్యాపేట జిల్లాలో చిరంజీవి భారీ కటౌట్‌ను ఏర్పాటు చేశారు. తెలుగు సినీ చరిత్రలోనే అత్యంత భారీ కటౌట్‌ను ఏర్పాటు చేశారు. ప్రస్తుతం ఈ కట్ అవుట్ ఇప్పుడు సోషల్ మీడియాలో వైరల్‌గా మారింది.
