పవర్స్టార్ పవన్కల్యాణ్ ఫ్యాన్స్కు గుడ్ న్యూస్. పవన్ మరోసారి తన గానంతో అభిమానుల్ని అలరించేందుకు సిద్ధమవుతున్నారట. ‘భీమ్లా నాయక్’లో ఓ ప్రత్కేక గీతం పవన్ కళ్యాణ్ పాడనున్నాడట. ఒకవేళ ఇదే నిజమైతే మాత్రం ప్రేక్షకులకు, అభిమానులకు కిక్కే కిక్.
ఈ స్పెషల్ మ్యూజిక్ బిట్ను తమన్ ఇప్పటికే కంపోజిషన్ చేశాడని.. త్వరలో దీనిని రికార్డు చేయనున్నట్లు తెలుస్తోంది. పవన్ కల్యాణ్ ఇప్పటివరకు ఎనిమిదిసార్లు సినిమాల్లో పాటలు పాడారు. తమ్ముడు(ఏం పిల్ల మాట్లడవా..), తమ్ముడు(తాటి చెట్టు ఎక్కలేవు..), ఖుషీ(బైబయ్యే బంగారు రవణమ్మ), జానీ(నువ్వు సారా తాగుతా..), జానీ(రావోయి మా ఇంటికి..), పంజా(పాపారాయుడు..), అత్తారింటికి దారేది (కాటమరాయుడా..), అజ్ఞాతవాసి(కొడకా కోటేశ్వరరావు..) ఈ జాబితాలో ఉన్నాయి.
మలయాళ హిట్ ‘అయ్యప్పనుమ్ కోశియమ్’ చిత్రానికి రీమేక్గా ‘భీమ్లా నాయక్’ను తెరకెక్కిస్తున్నారు. పవన్ కల్యాణ్, రానా హీరోలుగా నటిస్తున్నారు. నిత్యామేనన్, సంయుక్త హీరోయిన్లు. తమన్ సంగీతమందిస్తున్నారు. త్రివిక్రమ్.. స్క్రీన్ప్లే-మాటలు అందిస్తున్నారు. సాగర్ కె చంద్ర దర్శకత్వం వహిస్తున్నారు. సితార ఎంటర్టైన్మెంట్స్ పతాకంపై సూర్యదేవర నాగవంశీ నిర్మిస్తున్నారు.
