సినీ రంగంలోని చాలా మంది నటులు ఏదో రకమైన ఆరోగ్య సమస్యతో బాధపడుతున్నారు. ఇప్పటికే చాలామంది నటులు క్యాన్సర్, డిప్రెషన్ ఇలా అనేక రోగాల బారిన పడగా..మొన్నటికి మొన్న బాలీవుడ్ స్టార్ హీరో కండలవీరుడు సల్మాన్ ఖాన్ ట్రైజెమినల్ న్యూరాల్జియాతో అనే అరుదైన వ్యాధితో బాధపడుతున్నట్టు వార్తలు వచ్చాయి.
షెనాజ్ ట్రెజరీ అనే బాలీ వుడ్ హీరోయిన్ ఇష్క్విష్క్, దిల్లీబెల్లీ వంటి సినిమాల్లో నటించి మంచి గుర్తింపు తెచ్చుకుంది. ప్రస్తుతం తాను ప్రోసోపాగ్నోసియాతో బాధపడుతున్నట్లు తెలుస్తుంది. ఈ వ్యాధి కారణంగా తాను ఎవరినీ గుర్తుపట్టలేని స్థితికి చేరుకున్నానని..ఎన్నో ఏళ్లుగా పరిచయం ఉన్న వ్యక్తులను కూడా గుర్తించలేకపోతున్నానని ఇన్స్టాగ్రామ్లో షేర్ చేసింది.
ఈ వ్యాధి బారిన పడడం వల్ల చాలా మంది తమ స్నేహితులను, బంధువులను గుర్తుపట్టలేకపోతున్నట్టు వాపోయింది. ప్రస్తుతం షెనాజ్కు ఈ జబ్బు రావడంపై అభిమానులు ఆందోళన వ్యక్తం చేశారు. ఈ వ్యాధి నుంచి త్వరగా బయటపడాలని కోరుకుంటున్నట్టు సోషల్మీడియాల్లో పోస్ట్లు షేర్ చేశారు.