BRO Pre Release | పవర్ స్టార్ పవన్ కల్యాణ్-సాయిధరమ్ తేజ్ కాంబినేషన్‌లో వస్తున్న ప్రతిష్టాత్మక చిత్రం బ్రో. మామా-అల్లుడు కలిసి నటిస్తోన్న మొదటి చిత్రం కావడంతో అభిమానుల్లో అంచనాలు భారీగా పెరిగిపోయాయి. ఇప్పటికే ఈ చిత్రం నుంచి విడుదలైన పోస్టర్లు, టీజర్, సాంగ్స్‌కు భారీ స్థాయిలో స్పందన వచ్చింది. జులై 28న ప్రపంచ వ్యాప్తంగా సినిమాను విడుదల చేయనున్నారు. అయితే, విడుదల తేదీ సమీపిస్తుండటంతో చిత్రబృందం ప్రమోషన్స్‌ ప్రారంభించింది.
ఇప్పటికే హీరో, హీరోయిన్లు పలు మీడియా చానళ్లకు ఇంటర్య్వ్యూలు ఇస్తున్నారు. తాజగా.. ఈ చిత్రం ప్రీ రిలీజ్ ఫంక్షన్‌కు సంబంధించిన అప్‌డేట్ వచ్చినట్లు తెలుస్తోంది. జులై 25న హైదరాబాద్‌లోని శిల్పకళా వేదికలో ప్రీ రిలీజ్(BRO Pre Release) ఫంక్షన్ జరుగనున్నట్లు సమాచారం. ఈ ఫంక్షన్‌కు మెగా ఫ్యామిలీలోని పలువురు హీరోలు హాజరవుతారని తెలుస్తోంది. దీనిపై అధికారిక ప్రకటన వెలువడాల్సి ఉంది.
