సీనియర్ నటి(Actress Sumalatha), కర్ణాటక ఎంపీ సుమలత కుమారుడు అభిషేక్‌ వివాహం బెంగళూరులో ఘనంగా జరిగింది. ప్రముఖ ఫ్యాషన్‌ డిజైనర్‌ ప్రసాద్‌ బిదపా కుమార్తె అవివాతో ఆయన పెళ్లి జరిగింది. ఈ పెళ్లి వేడుకలో మాజీ ఉపరాష్ట్రపతి వెంకయ్య నాయుడు(Venkaiah Naidu), సూపర్ స్టార్ రజనీకాంత్‌, సీనియర్ హీరో మోహన్‌బాబు, ఎంపీ రఘురామ కృష్ణం రాజు తదితరులు పాల్గొని నూతన వధూవరులను ఆశీర్వదించారు.
కేజీఎఫ్ స్టార్ యశ్, కిచ్చా సుదీప్, తదితర కన్నడ హీరోలు కూడా ఈ వేడుకకు హాజరయ్యారు. ఇందుకు సంబంధించిన ఫొటోలు ప్రస్తుతం సోషల్ మీడియాలో వైరల్ అవుతున్నాయి. నెటిజన్లు నూతన జంటకు శుభాకాంక్షలు చెబుతున్నారు. కాగా తెలుగు, కన్నడ, మలయాళం, తమిళం, హిందీ పరిశ్రమల్లో నటించిన సుమలత(Actress Sumalatha) కన్నడ నటుడు అంబరీశ్‌ను వివాహం చేసుకున్నారు. 2018లో అంబరీశ్‌ మరణం తర్వాత రాజకీయాల్లోకి వచ్చిన ఆమె బీజేపీ ఎంపీగా పోటీ చేసి గెలుపొందారు.
