కోలీవుడ్ స్టార్ హీరో దళపతి విజయ్(Thalapathy Vijay) గురించి ప్రత్యేకంగా పరిచయం చేయాల్సిన పనిలేదు. విజయ్ సినిమా అంటే ప్రేక్షకుల్లో అంచనాలు భారీగా ఉంటాయి. ప్రస్తుతం ఈ హీరో లియో సినిమాతో బిజీగా ఉన్నాడు. దళపతి 67గా వస్తున్న ఈ చిత్రాన్ని లోకేశ్‌ కనగరాజ్‌ డైరెక్ట్ చేస్తున్నాడు. కాగా, ఈ మూవీ సెట్స్‌పై ఉండగానే మరోవైపు దళపతి 68 వార్త కూడా నెట్టింట హల్‌ చల్ చేస్తున్న విషయం తెలిసిందే. ఇటీవలే కస్టడీ సినిమాతో తెలుగు ప్రేక్షకులను పలుకరించిన తమిళ దర్శకుడు వెంకట్‌ ప్రభు(Director Venkat Prabhu) డైరెక్షన్‌లో ఈ సినిమా ఉండబోతుంది. ఈ సినిమా షూటింగ్ ఆగస్టు 2023లో షురూ కానుంది.
2024 తమిళ నూతన సంవత్సరాది సందర్భంగా విడుదల చేసేందకు ప్లాన్ చేస్తున్నారని ఓ వార్త ఇప్పటికే కోలీవుడ్ సర్కిల్‌లో చక్కర్లు కొడుతోంది. అయితే తాజాగా ఈ షెడ్యూల్‌ను మార్చినట్టు నటుడు అరుణ్ విజయ్ ట్వీట్ చేశాడు. లేటెస్ట్ అప్‌డేట్ ప్రకారం అక్టోబర్ 2023లో దళపతి 68 చిత్రీకరణ మొదలు కానుండగా.. 2024 దీపావళి కానుకగా రాబోతుందని తెలియజేశాడు. వెంకట్‌ ప్రభు-విజయ్ కాంబోలో వస్తున్న ఈ క్రేజీ ప్రాజెక్ట్ పక్కా పొలిటికల్ జోనర్‌లో ఉండబోతుందని కూడా ప్రకటించేశాడు. ఇప్పుడీ అప్‌డేట్ విజయ్(Thalapathy Vijay) అభిమానులను ఖుషీ చేస్తోంది.
Read Also:
1. పెళ్లి కాని వారికి పెన్షన్.. సీఎం కీలక నిర్ణయం
Follow us on: Google News, Koo, Twitter, ShareChat
