స్టార్‌ డైరెక్టర్‌ పరుశురాం దర్శకత్వం లో టాలీవుడ్‌ స్టార్‌ హీరో మహేష్ బాబు ప్రస్తుతం చేస్తున్న సినిమా “సర్కారు వారి పాట”. మహేష్ బాబు జంటగా కీర్తి సురేష్ నటిస్తుంది. పొలిటికల్ అండ్ మాస్ బ్యాక్ డ్రాప్ లో ఈ సినిమా తెరకెక్కుతోంది.
ఇక ఈ సినిమాకు నవీన్ ఎర్నేని, వైరవిశంకర్ మరియు గోపి ఆచంట నిర్మాతలుగా బాధ్యతలు స్వీకరించి తెరెకెక్కిస్తున్నారు. ఇప్పటికే ఈ సినిమా నుంచి కళావతి సాంగ్, టైటిల్ సాంగ్ ను రిలీజ్ చేసి అభిమానులను ఈలలు వేసేలా చేసింది. ప్రస్తుతం సర్కారు వారి పాట సినిమా నుంచి అదిరిపోయే అప్డేట్ వచ్చింది.
సర్కార్ వారి పాట ట్రైలర్ రిలీజ్ చేసేందుకు రంగం సిద్దమయింది. చిత్రబృందం ఈ సినిమా ట్రైలర్ రిలీజ్ కు డేట్ ఫిక్స్ చేసి మహేష్ అభిమానులకు అదిరిపోయే శుభవార్త చెప్పింది. మే 2న ట్రైలర్ విడుదల చేయనున్నట్టు చిత్రబృందం అధికారిక ప్రకటన చేసింది. ప్రస్తుతం ఈ సినిమాపై భారీ అంచనాలు నెలకొన్నాయి. ఈ సినిమా మే 12న విడుదలై థియేటర్లలో సందడి చేయనుంది.
