నందమూరి బాలకృష్ణకు కొత్త హీరోయిన్ దొరికేసింది. ఆయన హీరోగా చేయబోయే కొత్త సినిమాలో శ్రుతిహాసన్ కథానాయికగా ఎంపికైంది. ఈ విషయాన్ని దీపావళి సందర్భంగా ప్రకటించారు. పోస్టర్ను కూడా విడుదల చేశారు. అయితే నిజ జీవిత కథాంశంతో ఈ సినిమాను తెరకెక్కించనున్నట్లు తెలుస్తోంది.
ఈ సినిమాకు గోపీచంద్ మలినేని దర్శకత్వం వహిస్తున్నారు. మైత్రీ మూవీ మేకర్స్ నిర్మిస్తోంది. గోపీచంద్ ఇంతకు ముందు తీసిన ‘బలుపు’, ‘క్రాక్’ చిత్రాల్లో హీరోయిన్గా శ్రుతిహాసన్ నటించింది. దీంతో ఆమెను మరోసారి తన సినిమా కోసం ఎంపిక చేశారు.
మరోవైపు నందమూరి బాలకృష్ణ హీరోగా బోయపాటి శ్రీను దర్శకత్వం వహిస్తున్న చిత్రం ‘అఖండ’. తాజాగా దీపావళి పురస్కరించుకుని ఈ చిత్ర టైటిల్ సాంగ్ టీజర్ ను విడుదల చేసింది చిత్రబృందం. ఈ నెల 8న పూర్తి పాటను రిలీజ్ చేయనున్నారు.
