గతేడాది అక్టోబరులో వ్యాపారవేత్త గౌతమ్ కిచ్లూను పెళ్లి చేసుకున్న స్టార్ హీరోయిన్ కాజల్.. ప్రస్తుతం గర్భంతో ఉందని కొద్ది రోజులుగా ప్రచారం సాగుతోంది. తాజాగా ఈ విషయమై స్పందించిన ఈ ముద్దుగుమ్మ. ఈ విషయం గురించి ఇప్పుడు నేను మాట్లాడాలని అనుకోవట్లేదు. సరైన సమయంలో దీని గురించి స్పందిస్తా అని చెప్పింది. త్వరలోనే కాజల్.. చిరంజీవి నటించిన ‘ఆచార్య’సినిమాతో ప్రేక్షకుల ముందుకు రానుంది. దీంతో పాటే ‘హే సినామికా’, ‘ఘోష్టి’, ‘ఉమ’, ‘ఇండియన్ 2’, ‘ప్యారిస్ ప్యారిస్’ సినిమాల్లో నటిస్తోంది.
కాజల్ చెల్లిగా సినీ ఇండస్ట్రీలో అడుగుపెట్టి కొన్ని చిత్రాల్లో నటించిన నిషా అగర్వాల్ఓ వ్యాపారవేత్తను పెళ్లి చేసుకుని సినిమాలకు గుడ్బై చెప్పింది. ఆమెకు ఓ అబ్బాయి. అయితే కాజల్ కూడా త్వరగా తల్లి అవ్వాలని తాను కోరుకుంటున్నట్లు పలు సందర్భాల్లో తెలిపింది నిషా.
తల్లిగా మారడం అనేది ఓ అద్భుతమైన అనుభూతి. ఆ దశలో సెల్ఫ్ రియలైజేషన్ అవుతారని అనుకుంటా. అయినా నిషా కుమారుడుతో ఉన్నప్పుడు నన్ను నేను ఓ తల్లిగా భావిస్తా. ఇప్పుడు మా ఇంట్లో మియా (పెంపుడు కుక్క) వచ్చాక కూడా.. నేను, గౌతమ్ తల్లిదండ్రులుగా ఫీల్ అవుతున్నాం. నాకు సొంత పిల్లలు పుట్టినప్పుడు ఈ ఎమోషన్ ఇంకా ఎక్కువ అవుతుందనుకుంటా” అని కాజల్ చెప్పింది.