‘భీమ్లా నాయక్’ సినిమాతో మంచి విశేషప్రేక్షాధారణ సొంతం చేసుకున్నాడు పవన్ కళ్యాణ్. ప్రస్తుతం స్టార్ డైరెక్టర్ క్రిష్ జాగర్లమూడి డైరెక్షన్‌లో ‘హరిహర వీరమల్లు’ అనే పీరియాడికల్ మూవీని తెరకెక్కిస్తున్న విషయం తెలిసిందే. కరోనా కారణంగా చాలాసార్లు షూటింగ్ వాయిదా వేస్తూ వచ్చింది. ఈ సినిమాలో పవన్ సరసన అందాల భామ నిధి అగర్వాల్ హీరోయిన్‌గా నటిస్తోంది.
మొగల్ చక్రవర్తుల కాలం నాటి కథ కళ్ళకు కట్టినట్లుగా చూపించబోతున్నారని టాక్ వినిపిస్తోంది. అయితే ఈ శ్రీరామనవమి సందర్బంగా చిత్రబృందం ఈ మూవీ పోస్టర్ ను విడుదల చేసారు. పోస్టర్ లో పవన్ డిఫరెంట్ గెటప్ తో ప్రేక్షకులను ఆకట్టుకున్నాడు. ఈ పోస్టర్ లో పవన్ కళ్యాణ్ ఓ యుద్ధ వీరుడిగా కనిపిస్తున్నాడు. ఈ చిత్రం ఎలాంటి విజయాన్ని అందుకుంటుందా అని అందరూ ఆసక్తిగా ఎదురుచూస్తున్నారు.