దర్శకధీరుడు రాజమౌళి ప్రతిష్ఠాత్మకంగా తెరకెక్కించిన చిత్రం ‘ఆర్ఆర్ఆర్’. ఎన్టీఆర్, రామ్చరణ్ ప్రధాన పాత్రల్లో రూపొందిన ఈ మూవీ వచ్చే ఏడాది జనవరి 7న ప్రపంచవ్యాప్తంగా థియేటర్లలో విడుదల కానుంది. అక్టోబర్ 29న ఓ బిగ్ సర్ప్రైజ్ ఇవ్వనున్నట్లు ఇటీవలే ప్రకటించింది ‘ఆర్ఆర్ఆర్’ చిత్రబృందం. ఇప్పుడా బిగ్ అప్డేట్ ఇదేనంటూ నెట్టింట్లో ఓ వార్త చక్కర్లు కొడుతోంది. ఇంతకీ అదేంటో ఇప్పుడు చూద్దాం.
ఆర్ఆర్ఆర్’ను ఇంగ్లీష్ వెర్షన్లో రిలీజ్ చేసేందుకు ప్రముఖ హాలీవుడ్ నిర్మాణ సంస్థ వార్నర్ బ్రదర్స్ ఆసక్తి చూపిస్తోందని తెలుస్తోంది. ఇప్పటికే జక్కన్న టీమ్తో చర్చలు కూడా జరిపిందట. ఈ డీల్ ఓకే అయినట్లు సమాచారం. ఈ విషయాన్నే అక్టోబర్ 29న అధికారికంగా ప్రకటించబోతున్నట్లు అంతా మాట్లాడుకుంటున్నారు. మరి ఇది నిజమో కాదో తెలియాలంటే అధికార ప్రకటన వచ్చే వరకు వేచి ఉండాల్సిందే.
దాదాపు రూ.450 కోట్ల భారీ బడ్జెట్‌తో ‘ఆర్ఆర్ఆర్’ నిర్మిస్తున్నారు. దర్శకధీరుడు రాజమౌళి తెరకెక్కిస్తుండగా ఈ సినిమాలో అల్లూరి సీతారామరాజుగా రామ్చరణ్, కొమురం భీమ్‌గా ఎన్టీఆర్ నటిస్తున్నారు. డీవీవీ దానయ్య నిర్మాత. కీరవాణి సంగీతమందిస్తున్నారు. ఆలియాభట్‌, ఒలీవియా మోరీస్‌, అజయ్‌ దేవ్‌గణ్‌, శ్రియ, తదితరులు కీలకపాత్రలు పోషిస్తున్నారు.