దివంగత టీడీపీ నేత, ప్రముఖ నటుడు నందమూరి హరికృష్ణ 67వ జయంతి సందర్భంగా సోషల్ మీడియా వేదికగా సినీ, రాజకీయ ప్రముఖులు స్మరించుకుంటున్నారు. ఈ సందర్భంగా తండ్రిని తలుచుకుంటూ జూనియర్‌ ఎన్టీఆర్‌(Junior NTR) భావోద్వేగ పోస్ట్ చేశారు. ‘‘ఈ అస్తిత్వం మీరు.. ఈ వ్యక్తిత్వం మీరు.. మొక్కవోని ధైర్యంతో కొనసాగే మా ఈ ప్రస్థానానికి నేతృత్వం మీరు.. ఆజన్మాంతం తలుచుకునే అశ్రుకణం మీరే’’ అంటూ పోస్ట్ పెట్టారు. దీనిని నందమూరి అభిమానులు రీట్వీట్లు, కామెంట్లతో ట్రెండ్ చేస్తున్నారు. మరోవైపు ఏపీ వ్యాప్తంగా టీడీపీ కార్యకర్తలు, నేతలు జయంతి వేళ సామాజిక కార్యక్రమాలు చేస్తున్నారు. కాగా, ఆగస్ట్‌ 29, 2018లో రోడ్డు ప్రమాదంలో ఆయన మరణించిన సంగతి తెలిసిందే. ఓ అభిమాని పెళ్లికి హాజరు కావడం కోసం నెల్లూరు జిల్లా కావలికి కారు డ్రైవ్‌ చేసుకుంటూ వెళ్తుండగా నల్గొండ జిల్లా నార్కెట్‌పల్లి సమీపంలో కారు రోడ్డు ప్రమాదానికి గురై ఆయన మరణించారు.
మీ 67వ జయంతి న మిమ్మల్ని స్మరించుకుంటూ… pic.twitter.com/MwPWPJ8VMD
— Jr NTR (@tarak9999) September 2, 2023
Read Also: విజయ్ దేవరకొండ క్లీన్ హిట్.. ‘ఖుషి’ కలెక్షన్ల జోరు
Follow us on: Threads, Google News, Koo, Twitter, ShareChat
