సూపర్ స్టార్ రజినీకాంత్(Rajinikanth) ప్రతిష్టాత్మక చిత్రం జైలర్(Jailer). నెల్సన్ దిలీప్ కుమార్ దర్శకత్వం వహించిన ఈ చిత్రాన్ని ఆగష్టు 10న ప్రపంచ వ్యాప్తంగా విడుదల చేయానికి చిత్ర నిర్మాతలు ఫిక్స్ అయ్యారు. ఇప్పటికే షూటింగ్ పూర్తి చేసుకున్న ఈ సినిమా.. ప్రస్తుతం ప్రమోషన్స్‌లో బిజీగా ఉంది. తాజాగా.. ఇటీవల చెన్నై వేదికగా ప్రీ రిలీజ్ ఫంక్షన్ నిర్వహించారు. ఈ సందర్భంగా రజినీకాంత్(Rajinikanth) సంచలన వ్యాఖ్యలు చేశారు. సూపర్ స్టార్ ట్యాగ్‌ను తీసివేయాలని మేకర్స్‌ను కోరారు.
ఆ ట్యాగ్ తనకు ఎప్పటి నుంచో ఇబ్బందిగా ఉందని అనూహ్య వ్యాఖ్యలు చేశారు. ఇప్పుడే కాదు.. గతంలోనూ ఆ ట్యాగ్ తీసేయాలని నిర్మాతలను కోరినట్లు తెలిపారు. కాగా, జైలర్ చిత్రంలో మిల్కీ బ్యూటీ తమన్నా కథానాయికగా నటించింది. కన్నడ హీరో శివరాజ్ కుమార్, మోహన్ లాల్, బాలీవుడ్ నటుడు జాకీ ష్రాఫ్ కీలక పాత్రల్లో నటించారు. కాగా, ఇండస్ట్రీలో ఇప్పటికే పవర్ స్టార్ పవన్ కల్యాణ్(Pawan Kalyan), తల అజిత్‌లు సైతం తమ స్టార్ ట్యాగ్‌లను తీసేయాలని నిర్మాతలను కోరిన విషయం తెలిసిందే. భీమ్లా నాయక్, బ్రో సినిమాల్లో పవర్ స్టార్ ట్యాగ్, వలిమై, తెగింపు చిత్రాల్లో తల ట్యాగ్ కనిపించకపోవడం గమనార్హం.
Read Also: మంత్రి అంబటికి 30 ఇయర్స్ పృథ్వీ స్ట్రాంగ్ కౌంటర్
Follow us on: Threads, Google News, Koo, Twitter, ShareChat
