పవర్ స్టార్ పవన్ కళ్యాణ్‌, దగ్గుబాటి రానా కలిసి నటిస్తున్న లేటెస్ట్ మూవీ ‘భీమ్లానాయక్’. మలయాళంలో సూపర్‌హిట్‌గా నిలిచిన ‘అయ్యప్పనుమ్ కోషియుమ్’ సినిమాకు రీమేక్‌గా సాగర్ చంద్ర ఈ సినిమాను తెరకెక్కిస్తున్నాడు.
ఇప్పటికే షూటింగ్‌ పూర్తి చేసుకున్న ఈ చిత్రం సంక్రాంతి కానుకగా జనవరి 12న ప్రేక్షకుల ముందుకు రానుంది. దీంతో ప్రమోషన్‌ కార్యక్రమాలను వేగవంతం చేసే పనిలో ఉంది చిత్రబృందం. ఇప్పటికే విడుదలైన ఈ సినిమా పోస్టర్లు, టీజర్స్, పాటలు అభిమానులను బాగా ఆకట్టుకున్నాయి. కాగా ఈ సినిమాలో డేనియల్‌ శేఖర్‌ అనే పాత్రలో పవన్‌కు పోటీగా నటిస్తున్నాడు రానా. ఈ క్రమంలో దగ్గుబాటి హీరో పుట్టిన రోజు డిసెంబర్‌14ను పురస్కరించుకుని తాజాగా మరో అప్డేడ్‌ని విడుదల చేసింది చిత్రబృందం.
‘హ్యాపీ బర్త్‌ డే టు రేజింగ్‌ డేనియర్‌ శేఖర్‌’ అంటూ సినిమాలో రానా పాత్రకు సంబంధించిన ఓ టీజర్‌ను రిలీజ్‌ చేశారు మూవీ మేకర్స్‌. ‘వాడు అరిస్తే భయపడతావా.. వాడికన్నా గట్టిగా అరవగలను.. ఎవడాడు.. ఆఫ్ట్రాల్ ఎస్ ఐ’ అంటూ ఆవేశంగా రానా మాట్లాడడం ఈ టీజర్‌లో మనం చూడచ్చు. అభిమానులను ఆకట్టుకునేలా ఆసక్తికరంగా ఈ టీజర్‌ను రూపొందించారు.
టీజర్ చూడడానికి కింది లింక్ ను క్లిక్ చేయండి.
https://www.youtube.com/watch?v=oxNNz2qE5No&feature=emb_title
ఈ సినిమాలో నిత్యామేనన్‌, సంయుక్త మేనన్‌ హీరోయిన్లుగా నటిస్తున్నారు. మాటల మాంత్రికుడు త్రివిక్రమ్ స్ర్కీన్‌ప్లే, మాటలు అందిస్తున్నారు. రావు రమేష్, మురళీశర్మ, సముద్ర ఖని, రఘుబాబు, కాదంబరి కిరణ్‌ తదితరులు కీలక పాత్రలో నటిస్తున్నారు.