బాలీవుడ్ ప్రముఖ దర్శకుడు సంజయ్ లీలా భన్సాలీ-ఐకాన్ స్టార్ అల్లుఅర్జున్ కాంబోలో సినిమా రాబోతోందా? ఇప్పుడు ఈ వార్త ఎందుకు బయటకు వచ్చిందో తెలుసా? సోమవారం ముంబయిలోని సంజయ్ కార్యాలయంలో ఆయనను బన్నీ కలవడమే ఇందుకు కారణం. ప్రస్తుతం దీనికి సంబంధించి వార్త మీడియాలో హల్ చల్ చేస్తుంది.
కాగా, ‘పుష్ప’ మూవీతో పాన్ ఇండియా స్థాయికి ఐకాన్ స్టార్ అల్లుఅర్జున్ క్రేజ్ అమాంతం పెరిగింది. ‘తగ్గేదే లే’ అంటూ ఒక్క డైలాగ్తో పాన్ ఇండియా స్టార్గా మారిపోయారు బన్నీ. ఆయన మేనరిజానికి ఫ్యాన్స్ ఫిదా అయిపోయారు. గతేడాది డిసెంబరు 17న ప్రపంచవ్యాప్తంగా విడుదలైన ఈ చిత్రం సూపర్హిట్ను అందుకుంది. ప్రస్తుతం బన్నీ ‘పుష్ప’ రెండో భాగంలో నటిస్తున్నారు.
అయితే ఈ భారీ విజయంతో ఆయనకు బడా ఆఫర్లు వరుసగా క్యూ కడుతున్నాయట. ఆయన కూడా ఇకపై తన తదుపరి సినిమాలన్నీ పాన్ ఇండియా స్థాయిలోనే రూపొందించాలని దృష్టి పెట్టారట. ఈ నేపథ్యంలోనే సంజయ్ లీలా భన్సాలీకి సినిమాలను రూపొందించడంలో ప్రత్యేక శైలి ఉంది. ఇటీవలే ఆయన తెరకెక్కించిన గంగూబాయ్ కతియావాడి’ ప్రేక్షకుల ముందుకు వచ్చి సూపర్హిట్ను అందుకుంది.
