యూట్యూబర్ షణ్ముఖ్ ప్రస్తుతం ఓ వెబ్ సిరీస్ లో నటిస్తున్నాడు. ఇప్పటికే పలు యూట్యూబ్ వీడియోలతో పాపులర్ అయిన ఈ స్టార్ ఇప్పుడు సరికొత్త థ్రిల్లింగ్ కథతో రానున్నాడు. దీనిని ప్రముఖ ఓటీటీ సంస్థ ఆహా తీసుకురానుంది.
ఇప్పటివరకు వెబ్సిరీస్లలో లవర్బాయ్గా అలరించిన యూట్యూబర్, ‘బిగ్బాస్-5’ ఫేమ్ షణ్ముఖ్.. డిటెక్టివ్గా మెప్పించనున్నాడు. ఏజెంట్ ఆనంద్ సంతోష్గా కనిపించనున్నాడు. దీనికి అరుణ్ పవర్ దర్శకత్వం వహిస్తుండగా.. సుబ్బు స్క్రిప్ట్ అందిస్తున్నారు. ఈ విషయాన్ని ప్రముఖ ఓటీటీ సంస్థ ఆహా సోషల్మీడియా ద్వారా తెలిపింది.
త్వరలోనే స్ట్రీమింగ్ కానున్నట్లు వెల్లడించింది. ఫస్ట్లుక్ పోస్టర్ను రిలీజ్ చేసింది. అందులో షణ్ముఖ్.. చేతిలో సూట్కేస్ పట్టుకుని ఉండగా.. దానిపై కేస్ క్లోజ్డ్ అని రాసి ఉంది. పూర్తి వివరాలు త్వరలోనే వెల్లడిస్తానని ఆహా తెలిపింది.
