‘డీజే టిల్లు’ సినిమాతో స్టార్ బాయ్ ఇమేజ్ తెచ్చుకున్న సిద్ధు జొన్నలగడ్డ(Siddu Jonnalagadda) వరుస సినిమాలతో బిజీగా ఉన్నాడు. తాజాగా బొమ్మరిల్లు భాస్కర్ దర్శకత్వంలో ఓ మూవీ చేస్తున్నాడు. ఇవాళ సిద్ధు పుట్టినరోజు సందర్భంగా ఈ మూవీ టైటిల్ గ్లింప్స్ విడుదల చేశారు. ఈ చిత్రానికి ‘జాక్(JACK)’ అనే టైటిల్ ఖరారు చేశారు. ఇందులో హీరో పాత్ర క్రాక్‌గా ఉంటుందని మూవీ యూనిట్ ప్రకటించింది. ఇక సిద్ధు సరసన ‘బేబి’ ఫేమ్ వైష్ణవి చైతన్య(Vaishnavi Chaitanya) హీరోయిన్‌గా నటిస్తుంది. శ్రీ వెంకటేశ్వ క్రియేషన్స్ సంస్థ ఈ చిత్రాన్ని నిర్మిస్తుంది.
ఇదిలా ఉంటే ‘డీజే టిల్లు’కు సీక్వెల్‌గా తెరకెక్కుతోన్న ‘టిల్లు స్క్వేర్’ సినిమా మార్చి 29న విడుదల కానుంది. ఇప్పటికే ఈ మూవీ నుంచి విడుదలైన పోస్టర్లు, పాటలు సినిమాపై అంచనాలు పెంచేశాయి. ఇందులో అనుపమ పరమేశ్వరన్(Anupama Parameswaran) తొలిసారిగా గ్లామర్ పాత్రలో నటించడం విశేషం. ఈ సినిమాకు రామ్ మిరియాల సంగీతం అందిస్తున్నాడు.
Double the guns, double the fun! 😎 #SidduJonnalagadda is set to take you all on a quirky ride as #JACK – Konchem Krack💥
Motion Poster – https://t.co/7BEdNcadQA#HBDSidduJonnalagadda#SVCC37 @iamvaishnavi04@baskifilmz @SVCCofficial pic.twitter.com/2MsT1eL0Zb
— SVCC (@SVCCofficial) February 7, 2024
