‘అఖండ’ సినిమాతో థియేటర్ల దగ్గర దుమ్ములేపుతున్న బాలయ్య. మరోవైపు ఓటీటీలోనూ తన హవా కొనసాగిస్తున్నారు. ‘అన్స్టాపబుల్ విత్ ఎన్బీకే’ టాక్ షోతో అభిమానుల్ని అలరిస్తున్నారు. మొదటి గెస్ట్ గా మంచు కుటుంబం రాగా..సెకండ్ గెస్ట్ గా హీరో నాని వచ్చారు. ఇక ఇటీవలే ప్రముఖ హాస్యనటుడు బ్రహ్మానందం, డైరెక్టర్ అనిల్ రావిపూడి మూడో ఎపిసోడ్ లో పాల్గొన్నారు.
ఇక తాజాగా నాలుగో ఎపిసోడ్ కు సూపర్స్టార్ మహేశ్బాబు వచ్చారు. శనివారం షూటింగ్ జరిగింది. అందుకు సంబంధించిన కొన్ని ఫొటోలు సోషల్ మీడియాలో వైరల్గా మారాయి. దీంతో అటు బాలయ్య, ఇటు మహేశ్ ఫ్యాన్స్ పండగ చేసుకుంటున్నారు.
ఇటీవల ఎన్టీఆర్ ‘ఎవరు మీలో కోటీశ్వరులు’ టాక్ షోలో పాల్గొన్న మహేశ్బాబు.. తనదైన మార్క్ టైమింగ్తో అలరించారు. ఆ ఎపిసోడ్ అభిమానులకు కనువిందు చేసింది. ఇలా రోజుల వ్యవధిలో బాబాయ్, అబ్బాయితో కలిసి మహేశ్ సందడి చేయడం విశేషం.