స్టార్ హీరో పవన్కల్యాణ్, రానా హీరోలుగా తెరకెక్కుతున్న లేటెస్ట్ మూవీ భీమ్లానాయక్. సాగర్ కె చంద్ర దర్శకత్వం వహిస్తుండగా.. నిత్యామేనన్, సంయుక్త హీరోయిన్లు. తాజాగా సినిమాకు సంబంధించిన మరో అప్డేట్ ఇచ్చింది. కొత్త సంవత్సరం రోజున మరింత జోష్ ఖాయమే అంటుంది చిత్రబృందం ఈ మేరకు డిసెంబర్ 31న ‘భీమ్లానాయక్’లోని ‘లాలాభీమ్లా డీజే సాంగ్’ను విడుదల చేయనున్నారు.
సాయంత్రం 7.02 గంటలకు ‘లాలా.. భీమ్లా డీజే సాంగ్’ను విడుదల చేయనున్నట్లు చిత్రబృందం పేర్కొంది. అయితే.. తొలుత విడుదలైన సాంగ్ ఇప్పటికే అభిమానులను అలరిస్తోంది.ఈ చిత్రానికి స్క్రీన్ప్లే- మాటలు అందిస్తున్నారు దర్శకుడు త్రివిక్రమ్. సితార ఎంటర్టైన్మెంట్స్ పతాకంపై సూర్యదేవర నాగవంశీ నిర్మిస్తున్నారు. తాజాగా ఈ చిత్రం సంక్రాంతి రేసు నుంచి తప్పుకొంది. ఫిబ్రవరి 25న థియేటర్లలోకి రానుంది.
సూపర్ హిట్‌ మలయాళ చిత్రం ‘అయ్యప్పనుమ్‌ కోశియుమ్’కు రీమేక్‌గా ‘భీమ్లా నాయక్‌’ తెరకెక్కుతోంది. పవన్ కల్యాణ్ టైటిల్‌ పాత్ర పోషిస్తుండగా డేనియల్‌ శేఖర్‌గా రానా కనిపించనున్నారు. ఈ మధ్య విడుదల చేసిన వీడియోలో ‘వాడు అరిస్తే భయపడతావా? నేను వాడికన్నా గట్టిగా అరవగలను. అయినా ఎవడు వాడు? పైనుంచి దిగొచ్చాడా?’ అంటూ రానా చెప్పిన డైలాగ్ విశేషంగా అలరిస్తోంది. మధ్యలో పవన్ కల్యాణ్ దర్శనం ఆ జోష్‌ను మరింత పెంచేలా ఉంది.