రాజమౌళి దర్శకత్వంలో తెరకెక్కిన పాన్ ఇండియా చిత్రం ‘RRR’. ఈ సినిమాలో అల్లూరి సీతారామరాజు పాత్రలో రామ్ చరణ్.. కొమురం భీమ్ పాత్రలో ఎన్టీఆర్ కనిపించారు. కరోనా కారణంగా వాయిదా పడుతూ వచ్చిన ట్రిపుల్ ఆర్ మార్చి 25న రిలీజ్ అయ్యింది.
పెద్ద సినిమాలు ఏవీ లేకపోవడం వల్ల మంచి కలెక్షన్లను రాబడుతోంది. ఈ సినిమా మొదటి వారాన్ని విజయవంతంగా పూర్తి చేసుకుంది. ట్రిపుల్ఆర్ పాజిటివ్ టాక్ రావడంతో సినిమా కలెక్షన్లతో దుమ్ములేపుతుంది.
ఏడురోజులు పూర్తయ్యేసరికి ప్రపంచవ్యాప్తంగా రూ.710 కోట్లు గ్రాస్ సాధించింది. కర్ణాటక, తమిళనాడులో సైతం మంచి వసూళ్లతోనే మొదటి వారాన్ని ముగించింది ట్రిపుల్ ఆర్. ఆర్ఆర్ఆర్ ఈ వీకెండ్ లో జోరు అందుకొని లాభాల బాట పడుతుంది.