Yashodha movie:సమంత నటించిన యశోద చిత్రం నవంబర్‌ 11న ప్రేక్షకుల ముందుకు రానుంది. ఈ నేపథ్యంలో చిత్ర బృందం ప్రమోషన్ల జోరు పెంచారు. యశోద సినిమాలో ముఖ్యపాత్రను పోషించిన వరలక్ష్మీ శరత్‌ కుమార్‌ మూవీ ప్రమోషన్‌లో పాల్గొన్నారు. ఈ సందర్భంగా ఆమె మాట్లాడుతూ, యశోద సినిమా స్టోరీనే హీరో అని అన్నారు. ఈ సినిమాలో తన పాత్ర కొంత పాజిటివ్‌గా, మరికొంత నెగిటివ్‌ షేడ్స్‌ ఉన్న పాత్ర అని వివరించారు. ఉల్లిగడ్డను ఒలిస్తే పొరలు ఎలా ఉంటాయో.. ఆ విధంగానే తన రోల్‌లోనూ అన్ని వేరియేషన్స్‌ ఉంటాయని వరలక్ష్మీ తెలిపారు.
యశోద సినిమా (Yashodha movie)పైసా వసూలు మూవీ అని అన్నారు. ఫుల్‌ ఎంటర్‌టైనింగ్‌గా ఉంటుందని, కథపరంగా సైఫై, సస్పెన్స్‌ థ్రిల్లర్‌గా ఉంటుందని వివరించారు. క్వాలిటీ విజువల్స్‌ ఉంటాయన్నారు. ఆర్ట్‌ డైరెక్టర్‌ వర్క్‌ కనబడుతుందన్నారు. ఈ సందర్భంగా సరోగసి విధానంపై వరలక్ష్మీ స్పందించారు. సరోగసి అనేది కాంప్లికేట్‌ సబ్జెక్ట్‌ కాదనీ.. సెలబ్రెటీల కారణంగానే కాంప్లికేట్‌ అవుతోందని కామెంట్‌ చేశారు. ఈ సినిమాలో సరోగసి అనేది ఒక టాపిక్‌ మాత్రమేననీ.. సరోగసి మంచా.. చెడా అని తాము చెప్పటం లేదన్నారు. యశోద కంప్లీట్‌ ఫిక్షన్‌ మూవీ అని తేల్చి చెప్పారు.
Read also: ప్రపంచంలోనే ఎత్తైన శివుడు విగ్రహావిష్కరణ
