అమృత్‌సర్‌లోని గోల్డెన్ టెంపుల్‌(Golden Temple)లో కాల్పులు కలకలం రేపాయి. పంజాబ్ మాజీ ముఖ్యమంత్రి, శిరోమణి అకాలీదళ్ పార్టీ నేత సుఖ్‌బీర్ సింగ్ బాదల్‌(Sukhbir Singh Badal) టార్గెట్‌గా ఈ కాల్పులు జరిగాయి. సుఖ్‌బీర్.. సేవాదార్‌గా శిక్ష అనుభవిస్తున్న క్రమంలో ఈ కాల్పులు జరిగాయి. ఆయనపై కాల్పులు జరిగిన గుర్తు తెలియని వ్యక్తులను కనుగొనడం కోసం అధికారులు గాలింపు చేపట్టారు.
తన శిక్షలో భాగంగా చక్రాల కుర్చీలో ఆలయ ప్రవేశద్వారం దగ్గర సుఖ్‌బీర్ కాపలాదారుగా ఉన్నారు. ఆయన సమయంలోనే ఓ వృద్ధుడు ఆయన దగ్గరకు వచ్చాడు. కొన్ని అడుగుల దూరంలో ఉన్నప్పుడు ఒక్కసారి తన జేబు నుంచి తుపాకీ తీసి కాల్పులు జరిపాడు. అది గమనించిన సుఖ్‌బీర్ వ్యక్తిగత సిబ్బంది వెంటనే దాడిని అడ్డుకుని సుఖ్‌బీర్‌ను సురక్షిత ప్రాంతానికి తీసుకెళ్లారు.
Golden Temple | అంతేకాకుండా కాల్పులు జరిపిన వ్యక్తిని పట్టుకున్న భద్రతా సిబ్బంది పోలీసులకు అప్పగించారు. ఈ ఘటనలో సుఖ్‌బీర్‌కు ఎటువంటి హానీ జరగలేదు. నిందితుడిని నరైన్ సింగ్ చౌరాగా పోలీసులు గుర్తించారు. అతడు గతంలో బబ్బర్ ఖల్సా ఇంటర్నేషనల్ అనే ఉగ్రముఠాలో పనిచేసినట్లు పలు కథనాలు పేర్కొన్నాయి.
