యువ లాయర్ల జీతాలపై సుప్రీంకోర్టు ప్రధాన న్యాయమూర్తి డీవై చంద్రచూడ్(CJI Chandrachud) కీలక వ్యాఖ్యలు చేశారు. సీనియర్ న్యాయవాదులు తమ దగ్గరకు శిక్షణ కోసం వచ్చే యువ లాయర్లకు జీతాలు ఇవ్వడం నేర్చుకోవాలన్నారు. తాజాగా ఓ ఇంటర్వ్యూలో పాల్గొన్న చంద్రచూడ్.. సీనియర్ లాయర్లకు ఈ మేరకు సూచన చేశారు. ఆయన వ్యాఖ్యలు ప్రస్తుతం వైరల్ అవుతున్నాయి. తొలిరోజుల్లో పడే పునాదే యువ లాయర్ల భవిష్యత్తును చివరి వరకు నడిపిస్తుందని వ్యాఖ్యానించారు. న్యాయరంగం చాలా క్లిష్టమైనదని, ఈ విషయాన్ని సీయర్ న్యాయవాదులకు తాను గుర్తు చేయాల్సిన అవసరం లేదని చెప్పుకొచ్చారు. కాబట్టి యువ లాయర్లకు జీతాలు సరిగా ఇచ్చే పద్దతిని ప్రతి సీనియర్ న్యాయవాది అలవర్చుకోవాలని అన్నారు.
‘‘న్యాయవాద వృత్తిలోకి వస్తే తొలిరోజుల్లోనే పెద్ద మొత్తంలో జీతాలు రావు. కష్టపడటం, చేసే పనిలో చిత్తశుద్ది కనబరచడం వంటిని నేర్పించి ఈ రంగంలో నిలబడేలా యువ లాయర్లకు సీనియర్లు ప్రోత్సహించాలి. యువ లాయర్లు ఎంతో నేర్చుకోవాలనే తపనతో వస్తారు. ఎన్నో విషయాలను పంచుకోవాలని భావిస్తున్నారు. ఈ విషయంలో ఒకరికొకరు సహకరించుకంటూ వెళ్లాలి. వారి వేతనాలు, పారితోషికాల విషయంలో వ్యవస్థాపరంగానూ తప్పనిసరిగా కొన్ని మార్పులు రావాలి’’ అని CJI Chandrachud పేర్కొన్నారు.
Read Also: ఎలాన్ మస్క్‌పై ఇస్రో ఛైర్మన్ ప్రశంసలు..
Follow Us On: Google News, Twitter, ShareChat
