XBB Covid virus: కరోనా మహమ్మారి ప్రపంచాన్ని ఎంతలా భయపెట్టిందో ప్రత్యేకంగా చెప్పాల్సిన పనిలేదు. కంటికి కనిపించని ఈ వైరస్ ప్రపంచంలోని ప్రజల ఆరోగ్యాలనే కాదు ఆర్థిక వ్యవస్థలను కూడా నాశనం చేసింది. తగ్గుతుందని అనుకున్న కొవిడ్‌ మళ్లి విజృంభించే అవకాశం ఉందని నిపుణులు హెచ్చరిస్తున్నారు. గుజరాత్ బయోటెక్నాలజీ రీసెర్చ్ సెంటర్‌ పరిశోధకులు ఓమిక్రాన్ సబ్-వేరియంట్ BF-7 మొదటి కేసును గుర్తించిన విషయం తెలిసిందే.. ఒమిక్రాన్ ఉప వేరియంట్లు 300కు పైగా ఉన్నాయి. కానీ ప్రస్తుతం ఎక్స్‌బీబీ రికాంబినెంట్ వైరస్ (XBB Covid virus) ఆందోళన కలిగిస్తోంది.
ఈ మేరకు ఈ వైరస్ గురించి పూణెలో జరిగిన సమావేశంలో ప్రపంచ ఆరోగ్య సంస్థ చీఫ్ సైంటిస్ట్ సౌమ్య స్వామినాథన్ మాట్లాడారు.. ఎక్స్‌బీబీ రికాంబినెంట్ వైరస్వే రియంట్ ప్రమాదకరంగా ఉందన్నారు. గతంలోనూ ఈ తరహా వైరస్‌లను చూశామని కానీ ఈ వేరియంట్ మనవ రోగనిరోధక శక్తిని దాటుకుని వెళ్లే సామర్ధ్యాన్ని కలిగి ఉందన్నారు. ఆరోగ్య శాఖ నివేదిక ప్రకారం ప్రపంచ వ్యాప్తంగా ప్రతి వారం వందల కొద్ది మరణాలు ఈ వైరస్ వల్ల చోటుచేసుకుంటున్నాయని దేశ ప్రజలు అప్రమత్తంగా ఉండాలని సూచించారు.
Read also: మునుగోడులో గెలిచే పరిస్థితి లేదు
