గత కొన్ని రోజులుగా తెలంగాణాలో ముందస్తు ఎన్నికలు వస్తాయని వార్తలు వినిపిస్తున్నాయి. పీసీసీ చీఫ్ రేవంత్ రెడ్డి ఈ అంశంపై స్పందించారు. సీఎం కేసీఆర్ ముందస్తు ఎన్నికలకు వెళతారు మార్చిలో ఎన్నికలు ఉండవచ్చని చెప్పుకొచ్చారు. ఇక తాజాగా మాజీ పిసిసి చీఫ్ ఉత్తమ్ కుమార్ ముందస్తు ఎన్నికలు వస్తాయని పేర్కొన్నారు. కర్ణాటకతో పాటు తెలంగాణ అసెంబ్లీ ఎన్నికలు జరిగే అవకాశం ఉందని ఆయన తేల్చి చెప్పారు. కాంగ్రెస్ నేతలు హైదరాబాద్ వదిలేసి… నియోజక వర్గాలకు వెళ్ళండని పిలుపునిచ్చారు. తాను ఎక్కడ పోటీ చేయాలి అనేది సోనియా గాంధీ నిర్ణయిస్తారని ఉత్తమ్ కుమార్ రెడ్డి స్పష్టం చేశారు.
