బీజేపీపై సీఎం కేసీఆర్ పోరాటానికి మాజీ ప్రధాని, జనతాదళ్ (సెక్యులర్) జాతీయ అధ్యక్షుడు హెచ్.డి. దేవెగౌడ సంపూర్ణ మద్దతు ప్రకటించారు. ఈ మేరకు కేసీఆర్కు దేవెగౌడ ఫోన్ చేశారు. తాజా రాజకీయ పరిణామాలపై ఈ ఇద్దరు నేతలు చర్చించారు. మీరు పెద్ద యుద్ధం ప్రారంభించాని..బీజేపీపై పోరాటానికి మా మద్దతు ఉంటుందని దేవెగౌడ కేసీఆర్ తో అన్నారు. దేశంలో మత తత్వానికి వ్యతిరేకంగా పోరాడుతున్నందుకు ముఖ్యమంత్రిని అభినందించారు. తాను త్వరలోనే బెంగళూరుకు వచ్చి సమావేశమవుతానని దేవెగౌడకు సీఎం కేసీఆర్ తెలిపారు.
ఈ సందర్భంగా దేవగౌడ మాట్లాడుతూ ‘‘ రావు సాబ్…మీరు అద్భుతంగా పోరాడుతున్నారు. మత తత్వ శక్తుల మీద ఎవరమైనా పోరాటాన్ని కొనసాగించాల్సిందే. దేశ లౌకికవాద సంస్క్రతిని, దేశాన్ని కాపాడుకునేందుకు మీమందరం మీకు అండగా వుంటాం… మీ యుద్దాన్ని కొనసాగించండి.. మా సంపూర్ణమద్దతు మీకు ఉంటుంది.’’ అంటూ దేవగౌడ తన మద్దతును ప్రకటించారు.
