మొన్నటి వరకు తెలంగాణను చలి వణికించగా..తాజాగా ఎండలు భగ భగ మండిపోతున్నాయి. ఈ నేపథ్యంలో ఒంటిపూట బడులు పెట్టేందుకు తెలంగాణ విద్యాశాఖ నిర్ణయం తీసుకుంది. మార్చి 16వ తేదీ నుంచి ఒంటిపూట తరగతులు ప్రారంభించబోతున్నట్లు నిన్న ప్రకటన చేయగా… తాజాగా మరో ప్రకటన చేసింది. రేపటి నుంచే అంటే మార్చి 15 వ తేదీ నుంచే ఒంటిపూట తరగతులు ప్రారంభించబోతున్నట్లు అధికారిక ప్రకటన చేసింది. ఈ ఒంటిపూట బడులు.. మార్చి 15వ తేదీ నుంచి ఏప్రిల్ 23వ తేదీ వరకు కొనసాగనున్నాయి. ఈ మేరకు కీలక ఉత్తర్వులు కూడా జారీ చేసింది సర్కార్. ఉదయం 7:45 గంటల నుంచి 12 గంటల వరకు తరగతులు నిర్వహించాలని పేర్కొంది.
