కేంద్ర ప్రభుత్వం రాష్ట్రాలకు అందించే జీఎస్టీ పరిహారం గడువు 2022, జూన్తో ముగియనుంది. ఈ క్రమంలో మరో ఐదేళ్లపాటు పొడిగించాలని రాష్ట్ర ప్రభుత్వాలు డిమాండ్ చేశాయి. కొవిడ్-19 మహమ్మారి కారణంగా రాష్ట్రాల ఆర్థిక వ్యవస్థలు దెబ్బతిన్నాయని తెలిపాయి.
బడ్జెట్పై కసరత్తులో భాగంగా.. కేంద్ర ఆర్థికశాఖ మంత్రి నిర్మలా సీతారామన్ అధ్యక్షతన అన్ని రాష్ట్రాలు/కేంద్రపాలిత ప్రాంతాల ఆర్థికశాఖ మంత్రులతో ముందస్తు బడ్జెట్ సమావేశం నిర్వహించారు. ఈ సమావేశంలో జీఎస్టీ పరిహారాన్ని మరో ఐదేళ్లు పొడిగించడమే కాక కేంద్ర ప్రభుత్వ పథకాల్లో కేంద్రం వాటాను కూడా పెంచాలన్నారు ఛత్తీస్గఢ్ ముఖ్యమంత్రి భూపేశ్ భఘేల్. జీఎస్టీ వల్ల రాష్ట్ర ప్రభుత్వానికి నష్టం వాటిల్లిందని వివరించారు. వచ్చే ఏడాదిలోనూ రాష్ట్రానికి రూ. 5వేల కోట్లు నష్టం వాటిల్లనుందని నివేదించారు.
కేంద్ర పథకాల్లో కేంద్రం ప్రభుత్వం.. తన వాటాను క్రమంగా తగ్గిస్తూ వస్తోంది. రాష్ట్రాలు ఆ వాటాను భరిస్తున్నాయి. ఇంతకుముందు కేంద్ర పథకాల్లో కేంద్రం, రాష్ట్ర వాటాలు 90-10 నిష్పత్తిలో ఉండగా ప్రస్తుతం 50-50 లేదా 60-40గా ఉన్నాయి.” అని సుభాష్ గార్గ్ తెలిపారు. అంతేకాక అన్ని నీటిపారుదల ప్రాజెక్టులను కేంద్ర పథకాల్లో చేర్చాలని రాజస్థాన్ సర్కార్ డిమాండ్ చేసింది.
