వాట్సాప్ వాడుతోన్న యూజర్ల కోసం ఈ మెసేజింగ్ సర్వీసెస్ యాప్ పేమెంట్స్ ఫీచర్‌ను తీసుకొచ్చిన సంగతి తెలిసిందే. డబ్బులను ఇతరులకు పంపించుకోవడం, బ్యాంకు అకౌంట్ బ్యాలెన్స్‌ను చెక్ చేసుకోవడం వంటి ఫీచర్లను వాట్సాప్ తన ప్లాట్ ఫామ్‌పై ఆఫర్ చేస్తోంది. బ్యాంకు నుంచి బ్యాంకుకు మనీ పంపించేందుకు, వాట్సాప్ పేమెంట్స్ నేషనల్ పేమెంట్స్ కార్పొరేషన్ ఆఫ్ ఇండియా డెవలప్ చేసిన యూపీఐను వాట్సాప్ వాడుతోంది. వాట్సాప్ తో మీరు మీ బ్యాంక్ బ్యాలెన్స్ వివరాలను కొన్ని సెకన్లలో తనిఖీ చేయవచ్చు. దీనికి 227 కంటే ఎక్కువ బ్యాంకుల మద్దతు ఇస్తున్నాయి.
వినియోగదారులు Whatsapp చెల్లింపులలో డబ్బును బదిలీ చేయడానికి, స్వీకరించే సదుపాయాన్ని పొందుతారు. కానీ ఇప్పుడు వినియోగదారులు ఈ ఫీచర్ ద్వారా వారి బ్యాంక్ బ్యాలెన్స్‌ను కూడా చెక్ చేసుకునే సౌలభ్యం ఉంది.మీ బ్యాంక్ బ్యాలెన్స్‌ని చెక్ చేయడానికి ముందుగా మీ WhatsAppను ఓపెన్‌ చేయండి. మీరు ఆండ్రాయిడ్ ఫోన్ యూజర్ అయితే, ఎగువన మోర్ అనే ఆప్షన్ వస్తుంది. ఆపై మీకు అక్కడ పేమెంట్ ఆప్షన్ వస్తుంది. దానిపై క్లిక్ చేయండి. ఆపై చెల్లింపు పద్ధతిలో సంబంధిత బ్యాంక్ ఖాతాపై నొక్కండి.
ఇప్పుడు ఖాతా బ్యాలెన్స్‌ని వీక్షించండిపై నొక్కండి. అలాగే అక్కడ మీ UPI పిన్‌ని నమోదు చేయండి. మీరు UPI పిన్‌ను నమోదు చేసినప్పుడు మీ ఖాతాలో ఉన్న మొత్తం స్క్రీన్‌పై కనిపిస్తుంది.
బ్యాలెన్స్ తనిఖీ చేయడానికి మరొక మార్గం కూడా ఉంది. వాట్సాప్‌లో డబ్బు పంపేటప్పుడు మీరు మీ బ్యాంక్ ఖాతా బ్యాలెన్స్‌ను కూడా తనిఖీ చేయవచ్చు. దీని కోసం చెల్లింపు సందేశ స్క్రీన్‌పై అందించిన చెల్లింపునకు సంబంధించిన క్లిక్ చేయండి. ఆ తర్వాత అక్కడ కనిపించే వ్యూ అకౌంట్ బ్యాలెన్స్ పై ట్యాప్ చేయండి.
మీరు మీ WhatsApp ఖాతాకు బ్యాంక్ ఖాతాలను లింక్ చేసి ఉంటే, మీ బ్యాంకు ఖాతాను ఎంచుకోండి. మీ బ్యాంక్ బ్యాలెన్స్‌ని చెక్ చేయడానికి మీరు మీ UPI పిన్‌ను నమోదు చేయాలి.
