మన దేశంలో గోమాతని ఎంతో పూజిస్తాం, ఆవు కనిపించగానే వెంటనే దానికి చాలా మంది ఆహారం పెడతారు మొక్కుతారు, అయితే గోవుని పూజించడం వల్ల ఎన్నో ఫలితాలు ఉంటాయి, ఎలాంటి సిరిసంపదలు రావాలి అన్నా గోపూజ ఎంతో మంచిది, విజయాలు వస్తాయి ఆ ఇంటికి.
గోమాతలో సమస్త దేవతలు ఉన్నారు అని చెబుతారు మన పెద్దలు
గోవు పాదాల యందు – పితృదేవతలు ఉంటారు
కాళ్ళ యందు – సమస్త పర్వతములు ఉంటాయి
భ్రూమధ్యమున – గంధర్వులు ఉంటారు
గోవు దంతముల యందు – గణపతి ఉంటాడు
ముక్కున – శివుడు ఉంటాడు
ముఖమున – జ్యేష్ఠాదేవి ఉంటుంది
కళ్ళయందు – సూర్యుడు ఉంటాడు
గోవు చెవుల యందు – శంఖు చక్రములు ఉంటాయి
కంఠమునందు – విష్ణుమూర్తి ఉంటాడు
భుజమున – సరస్వతి ఉంటుంది
రొమ్మున – నవ గ్రహములు కొలువై ఉంటాయి
వెన్నులో – వరుణ దేవుడు , అగ్ని దేవుడు ఉంటారు
తోక యందు – చంద్రుడు ఉంటాడు
చర్మమున – ప్రజాపతి ఉంటారు
గోవు రోమాల్లో- త్రిలోకాల్లోఉన్న దేవతలు ఉంటారు
అందుకే గోవుని ఎక్కడా కొట్టకూడదు, గోపూజ చేసుకుంటే పాపాలు పోతాయి అని పురాణాల్లో కూడా తెలిపారు.. ఏ సమయంలో అయినా గోవులకు తృప్తిగా ఆహారము పెడితే సమస్త దేవతలకు ఆహారము పెట్టినంత పుణ్యఫలము కలుగుతుంది.
