ఇటీవలే సింగరేణి కాలరీస్లో 177 జూనియర్ అసిస్టెంట్ పోస్టులకు నోటిఫికేషన్ రిలీజ్ చేసిన సంగతి తెలిసిందే. అయితే దీనికి సంబంధించి మరికాసేపట్లో రాత పరీక్ష జరుగనుంది. నేడు ఉదయం 10 గంటల నుంచి 12 గంటల వరకు పరీక్ష నిర్వహిస్తారు. ఈ పోస్టులకు 98,882 మంది అభ్యర్థులు దరఖాస్తు చేసుకోగా..వీరికోసం ఎనిమిది జిల్లాల్లో 187 పరీక్షా కేంద్రాలను ఏర్పాటు చేశారు. ఒక్క నిమిషం ఆలస్యంగా వచ్చినా పరీక్ష కేంద్రంలోకి అనుమతించబోమని అధికారులు స్పష్టం చేశారు. వారం రోజుల్లో ప్రాథమిక ‘కీ’ని విడుదల చేస్తామని వెల్లడించారు.
