రంజీ ట్రోఫీ 2022 సీజన్ చివరి అంకానికి చేరుకుంది. నేటి ఫైనల్లో ముంబయి- మధ్యప్రదేశ్ తలపడనున్నాయి. ఇప్పటికే రికార్డు స్థాయిలో 41 సార్లు టైటిల్ గెలుచుకున్న ముంబయి..ఒకవైపు 23ఏళ్ల తర్వాత తుదిపోరుకు చేరుకున్న మధ్యప్రదేశ్ మరోవైపు. దీనితో ఫైనల్ మ్యాచ్ వేరే లెవల్ లో వ్ ఉండబోతుంది. మరి ఆ రెండు జట్ల బలాలు, బలహీనతలు ఏంటో ఇప్పుడు చూద్దాం..
కాగితంపై చూస్తే మధ్యప్రదేశ్ కన్నా ముంబై జట్టే బలంగా కనిపిస్తుంది. సర్ఫరాజ్ ఖాన్ 803 పరుగులు చేసి సీజన్లో అత్యధిక రన్స్ చేసిన ఆటగాడిగా నిలిచాడు. యశస్వి జైశ్వాల్.. రంజీ ట్రోఫీలో రెండే మ్యాచులు ఆడి ఏకంగా 413 పరుగులు చేశాడు. సువేద్ పార్కర్ తన తొలి మ్యాచ్లోనే డబుల్ సెంచరీతో ఆకట్టుకున్నాడు. బౌలర్లో షామ్స్ ములాని, తనుష్ కొటియన్ రాణిస్తున్నారు. ఇక ఓపెనర్, దూకుడైన ప్లేయర్ పృథ్వీ షా, అర్మాన్ జాఫర్ కూడా బాగా ఆడుతున్నారు.
మధ్యప్రదేశ్ జట్టుకు కీలకంగా ఉన్న ఆల్రండర్ వెంకటేశ్ అయ్యర్, పేసర్ అవేశ్ ఖాన్ అందుబాటులో లేకపోవడం ఒక్కటే ప్రతికూలాంశం. బ్యాటింగ్లో హిమన్షు మంత్రి, అక్షత్ రఘువంశీ కూడా బాగా ఆడుతున్నారు. ఐపీఎల్లో ఆర్సీబీ తరఫున రజత్ పాటిదార్.. అద్భుతంగా రాణించాడు. మరి రంజీట్రోఫీని అందుకునే జట్టేదో చూడాలి.