T20 World Cup: టీ20 వరల్డ్‌ కప్‌- 2022లో టీమిండియా గెలుపు కోసం పాకిస్థానీయులు ప్రార్థనలు చేస్తున్నారు. ఏంటి నిజమా అని ఆశ్చర్యపోకండి. ఫేక్‌ న్యూస్‌ అని కొట్టిపారేయకండి. ఇది నిజమే. వరుస ఓటమిలతో సెమీస్‌లో ఆడే ఛాన్స్‌ను పాక్ జట్టు క్లిష్టతరం చేసుకున్న విషయం తెలిసిందే. ఇప్పుడు పాక్ సెమీస్‌ చేరటం భారత్‌ జట్టు చేతుల్లోనే ఉంది. ఇండియా జట్టు గాని దక్షిణాఫ్రికా, జింబాంబ్వే, దక్షిణాఫ్రికా, బంగ్లాదేశ్‌లపై గెలిస్తే.. పాక్ ముందుకు వచ్చే అవకాశం ఉంది. అందుకే ఆదివారం జరగనున్న భారత్‌-దక్షిణాఫ్రికా (T20 World Cup)మ్యాచ్‌లో భారత్‌ గెలవాలని పాక్ వాళ్లు ప్రార్థనలు చేస్తున్నారు. కాగా, నేడు సాయంత్రం 4.30కు దక్షిణాఫ్రికాతో భారత్‌ ఢీకొట్టనుంది. భారత్‌, జింబాంబ్వేలతో జరిగిన మ్యాచుల్లో పాక్ ఘోర ఓటమిని చవి చూసింది. దీంతో పాక్ ఇప్పుడు గ్రూప్‌-2లో చివరి నుంచి రెండో స్థానంలో ఉంది. ఒకవేళ మిగిలిన మూడు మ్యాచుల్లో దక్షిణాఫ్రికా, బంగ్లాదేశ్‌, నెదర్లాండ్స్‌పై గెలిచినా.. పాయింట్లు కలిసిరాకపోతే.. సెమీస్‌ నుంచి పాక్ తప్పుకోవాల్సిందే.
