Bandi Sanjay: సీఎం కేసీఆర్ నేడు చండూరు బహిరంగ సభలో ఏడుస్తూ.. నటించబోతున్నారని బీజేపీ రాష్ట్ర అధ్యక్షుడు బండి సంజయ్ అన్నారు. తన ఏడుపుతో మళ్లీ రాష్ట్ర ప్రజల్లో సెంటిమెంట్‌‌ను రగిలించడానికి ప్రయత్నాలు చేస్తున్నారని ఆరోపించారు. మునుగోడు ఉప ఎన్నికలు అభివృద్ధి కోసం వచ్చిన ఎన్నికలని.. ఆ చిల్లరగాళ్లకు కౌంటర్‌ వేయడానికి మేం ఎందుకని నడ్డా, అమిత్‌ షా అన్నారని పేర్కొన్నారు. మునుగోడులో రెండు రోజుల పాటు బీజేపీ భారీ ర్యాలీ నిర్వహిస్తుందన్నారు. ఈ ర్యాలీతో కేసీఆర్‌‌కు దిమ్మతిరుగుతుందని వ్యాఖ్యానించారు. చుండూరు సభకు వస్తున్న కేసీఆర్‌‌కు మునుగోడు అభివృద్ధి కోసం ఎన్ని నిధులు ఇచ్చారో చెప్పగలరా అని సవాల్ చేశారు. మునుగోడు ఉప ఎన్నికలో విజయం సాధించేందుకు టీఆర్ఎస్ ప్రయత్నిస్తుందన్నారు. ఈ క్రమంలో ఓటర్లను కొనుగోలు చేసేందుకు సీఎం కాన్వాయ్‌లోనే డబ్బు తరలిస్తారని బండి సంజయ్ (Bandi Sanjay) జోస్యం చెప్పారు.
Read also: చలికాలంలో చిక్కులకు ఇక చెక్‌!
