Jupally-Ponguleti | మాజీ మంత్రి జూపల్లి కృష్ణారావు, మాజీ ఎంపీ పొంగులేటి శ్రీనివాస్‌రెడ్డిలు కాంగ్రెస్ పార్టీలో చేరడం దాదాపు ఖాయమైంది. ఈ క్రమంలో కాంగ్రెస్ అగ్రనేత రాహుల్ గాంధీతో ఈనెల 26న ఉదయం 11గంటలకు ఢిల్లీలో వీరు భేటీ కానున్నారు. ఈ భేటీలో జూపల్లి బృందం పది మంది, పొంగులేటి బృందం 40మంది ఉంటారని తెలుస్తుంది. ఈరోజు సాయంత్రం కొంత మంది, రేపు ఉదయం మరికొందరు ఢిల్లీకి వెళ్లనున్నారు. ఢిల్లీలో రాహుల్(Rahul Gandhi)తో భేటీ తరువాత పొంగులేటి, జూపల్లి ఏఐసీసీ అధ్యక్షుడు మల్లిఖార్జున ఖర్గే(Mallikarjun Kharge), ప్రియాంక గాంధీ(Priyanka Gandhi)లతోపాటు కేసీ వేణుగోపాల్‌తో ప్రత్యేకంగా సమావేశం అవుతారని కాంగ్రెస్ వర్గాలు తెలిపాయి. పొంగులేటి, జూపల్లి(Jupally-Ponguleti) ఇద్దరూ రాహుల్ గాంధీతో భేటీ తరువాత కాంగ్రెస్ పార్టీలో చేరికపై ప్రకటన చేసే అవకాశం ఉంది. వీరి భేటీలో ఖమ్మం, పాలమూరులో సభలు ఎప్పుడు నిర్వహించాలనే విషయంపైనా స్పష్టత వస్తుందని తెలుస్తోంది. ఇప్పటికే జులై 2న ఖమ్మంలో భారీ బహిరంగ సభ ద్వారా కాంగ్రెస్ పార్టీలో చేరేందుకు పొంగులేటి ఏర్పాట్లు చేస్తున్నట్లు సమాచారం.
Read Also:
1. అనుమతి ఇవ్వాలని కేంద్రమంత్రిని కలిసి రిక్వెస్ట్ చేసిన కేటీఆర్
2. తెలంగాణ కాంగ్రెస్ ఇన్‌చార్జి ఠాక్రే కీలక వ్యాఖ్యలు
Follow us on: Google News, Koo, Twitter, ShareChat
