పుట్టినరోజు సందర్భంగా సూపర్ స్టార్ మహేష్ బాబు(Mahesh Babu)కు శుభాకాంక్షల వెల్లువ కొనసాగుతోంది. సినీ, రాజకీయ ప్రముఖులు సోషల్ మీడియాలో విషెస్ చెబుతున్నారు. తాజాగా.. తెలంగాణ మంత్రి కేటీఆర్(KTR) ట్విట్టర్ వేదిక‌గా మహేష్ బాబుకు బర్త్ డే శుభాకాంక్షలు తెలియ‌జేశారు. హ్యాపీ బర్త్ డే బ్రో.. ఇలాంటి పుట్టినరోజులు మరెన్నో జరుపుకోవాలని కోరుకుంటున్నా అంటూ ట్వీట్‌ చేశారు. ప్రస్తుతం ఈ ట్వీట్‌ తెగ వైరల్ అవుతోంది. కాగా, మహేశ్ బాబు నటించిన భరత్ అనే సినిమాలో సీఎం పాత్ర చేసిన విషయం తెలిసిందే.
ఈ చిత్ర ప్రమోషన్స్‌లో మంత్రి కేటీఆర్(KTR) కూడా పాల్గొన్నారు. ఈ సందర్భంగా వీరిద్దరూ మంచి మిత్రులని అందరికీ తెలిసిపోయంది. కాగా, ప్రస్తుతం మహేశ్ ‘గుంటూరు కారం’ చిత్రంలో నటిస్తున్నారు. త్రివిక్రమ్‌ దర్శకత్వంలో వస్తున్న ఈ చిత్రంలో శ్రీలీల, మీనాక్షి చౌదరీలు హీరోయిన్‌లుగా నటిస్తున్నారు. వచ్చే ఏడాది జనవరి 12వ తేదీన విడుదల చేయనున్నట్లు చిత్ర బృందం ప్రకటించింది.
Read Also: గృహలక్ష్మి పథకానికి ఎవరైనా దరఖాస్తు చేసుకోవచ్చు
Follow us on: Threads, Google News, Koo, Twitter, ShareChat
