Mayor Vijayalakshmi |అంబర్‌పేటలో కుక్కల దాడిలో మృతి చెందిన బాలుడు ప్రదీప్‌ కుటుంబానికి హైదరాబాద్ మేయర్ గద్వాల విజయలక్ష్మి ఆర్థికసాయం అందించారు. సోమవారం అంబర్‌పేట్‌లోని బాలుడి ఇంటికి వెళ్లి తల్లిదండ్రులకు రూ. 9,71,900 ఆర్థికసాయం అందించారు. ఘటనపై ప్రభుత్వానికి నివేదిక పంపి ప్రభుత్వం నుంచి కూడా సాయమందేలా చర్యలు తీసుకుంటామని మేయర్ హామీ ఇచ్చారు. ఈ సందర్భంగా మేయర్ మాట్లాడుతూ.. కుక్కల దాడి ఘటనలపై విపక్షాలు అనవసరంగా రాజకీయం చేస్తున్నాయని మండిపడ్డారు. కుక్కలకు పలానా వాళ్లను కరవాలని తానే చెప్పి పంపిస్తున్నట్లు విమర్శలు చేశారని ఆగ్రహం వ్యక్తం చేశారు. మహిళలు రాజకీయాల్లో రాణించడం ఓర్వలేని వాళ్లు విమర్శిస్తున్నారని అసహనం వ్యక్తం చేశారు. హైదరాబాద్ మేయర్‌గా పని చేయటం అంత సులువు కాదన్నారు.
- Advertisement -
Read Also: రేవంత్ రెడ్డి‌పై మరోసారి YS షర్మిల సంచలన వ్యాఖ్యలు
Follow us on: Google News
