తెలంగాణలో ఎన్నికలు సమీపిస్తోన్న నేపథ్యంలో రాజకీయ నాయకులు దూకుడు పెంచారు. విమర్శల్లో పదును పెంచారు. ఎన్నికల్లో గెలుపే లక్ష్యంగా కార్యచరణ రూపొందించారు. ఇప్పటికే పార్టీల్లో చేరికల పర్వం ఊపందుకుంది. ముఖ్యంగా కర్ణాటక ఎన్నికల తర్వాత తెలంగాణలో కాంగ్రెస్ పార్టీ మెరుపు వేగంతో దూసుకెళ్తోంది. వినూత్న నిర్ణయాలతో టీపీసీసీ చీఫ్ రేవంత్ రెడ్డి(Revanth Reddy) నిత్యం ప్రజల్లో ఉంటున్నారు.
- Advertisement -
తాజాగా.. ఆయన ముఖ్యమంత్రి కేసీఆర్‌కు కీలక సవాల్ విసిరారు. వచ్చే ఎన్నికల్లో గెలిచేది తామే, రాబోయేది కాంగ్రెస్ ప్రభుత్వమే అని ధీమాగా ఉన్నారు. ఈ క్రమంలోనే సీఎం కేసీఆర్‌(KCR)కు ఛాలెంజ్ విసిరారు. మరోసారి గజ్వేల్(Gajwel) నుంచే పోటీ చేయాలని రేవంత్(Revanth Reddy) సవాల్ విసిరారు. అంతేగాక, సిట్టింగ్ ఎమ్మెల్యేలందరికీ మళ్లీ సీట్లు ఇవ్వాలని డిమాండ్ చేశారు.
