అగ్రరాజ్యాల్లో ఒక్కటైన రష్యా(Russia)కు జాబిల్లి మీద భారీ షాక్ తగిలింది. చంద్రుడిపై పరిశోధనల కోసం ఆగస్టు 10న రష్యా ప్రయోగించిన లూనా-25(Luna-25 Lander) స్పేస్‌క్రాఫ్ట్‌ కుప్పకూలింది. ఈ మేరకు ఆ దేశ అంతరిక్ష పరిశోధన సంస్థ రోస్‌కాస్మోస్‌ అధికారికంగా ప్రకటన విడుదల చేసింది. చంద్రుడి ఉపరితలంపై సాఫ్ట్ ల్యాండ్ అయ్యేలా లూనా-25ను నిర్దేశిత కక్ష్యలోకి ప్రవేశపెట్టే సమయంలో లూనా -25 స్పేస్‌క్రాఫ్ట్‌లో సాంకేతిక సమస్య తలెత్తింది. దీంతో ఆటోమెటిక్‌ స్టేషన్‌లో అత్యవసర పరిస్థితి ఏర్పడింది. తర్వాత లూనా-25 స్పేస్ క్రాఫ్ట్‌ అదుపుతప్పి చంద్రునిపై కుప్పకూలినట్లు తెలిపింది.
దాదాపు 50 ఏళ్లు విరామం తర్వాత రష్యా చంద్రుడిపై పరిశోధనల కోసం లూనా-25ని ప్రయోగించింది. కేవలం 11 రోజుల్లోనే లూనా-25 చంద్రుడిపై ల్యాండ్ అయ్యేలా ఆ దేశ సైంటిస్టులు ప్లాన్ చేశారు. ఈ స్పేస్ క్రాఫ్ట్‌ చంద్రుడి దక్షిణ ధృవంలో సోమవారం సాఫ్ట్ ల్యాండ్ కావాల్సి ఉంది. చంద్రుని దక్షిణ ధృవంలోని క్రేటర్లలో నీరు ఉండొచ్చని రష్యన్ సైంటిస్టులు భావిస్తున్నారు. దీనిపై పరిశోధించడంతో పాటు చంద్రునిపై విలువైన మూలకాలు ఏమైనా ఉన్నాయా అనే విషయాలు తెలుసుకునేందుకు ఈ స్పేస్‌క్రాఫ్ట్‌ను ప్రయోగించింది. శనివారమే చంద్రుడి ఉపరితలానికి సంబంధించిన తొలి చిత్రాన్ని తీసి పంపించింది లూనా-25. చంద్రుడి అవతలి వైపు ఉండే ప్రాంతం భూమిపై నుంచి కనిపించదని.. ఆ ప్రాంతాన్నే లూనా-25 స్పేస్ క్రాఫ్ట్‌ ఫోటో తీసిందని రష్యన్ శాస్త్రవేత్తలు తెలిపారు.
రష్యా చివరగా 1976లో తొలి లూనార్‌ ల్యాండర్(Luna-25 Lander)ను ప్రయోగించింది. ఈ మిషన్ లో చంద్రుడిపై ఉన్న 170గ్రాముల మట్టి శాంపిళ్లను భూమికి తీసుకురాగలిగింది రష్యా. ఇక భారత్ సైతం చంద్రునిపై పరిశోధనలు చేసేందుకు అత్యంత ప్రతిష్ఠాత్మకంగా చేపట్టిన చంద్రయాన్‌-3 ఇప్పటికే కీలక దశలు పూర్తి చేసుకుంది. ప్రొపల్షన్‌ మాడ్యూల్‌ నుంచి ల్యాండర్ మాడ్యూల్‌ విడిపోయింది. అన్ని అనుకున్నట్లు జరిగితే ఆగస్టు 23న చంద్రుడి ఉపరితలంపై ల్యాండర్ అడుగు పెట్టనుంది.
కు జాబిల్లి మీద భారీ షాక్ తగిలింది. చంద్రుడిపై ప){kind=link}