టీ20 ప్రపంచకప్‌ లో ఆసక్తికర సమరానికి వేళైంది. జోరు మీదున్న పాకిస్థాన్ గురువారం జరిగే రెండో సెమీఫైనల్లో ఆస్ట్రేలియాను ఢీకొంటుంది. పాకిస్థాన్ ఎవరూ ఊహించని విధంగా టోర్నమెంట్లో అదిరే ప్రదర్శన చేసింది. ప్రస్తుత టోర్నమెంట్లో ఓటమి చవిచూడని ఏకైక జట్టు పాకిస్థానే కావడం విశేషం. ఆస్ట్రేలియా కూడా అంతే బలంగా ఉంది. కానీ నేటి మ్యాచ్ లో గెలిచి ఫైనల్ చేరేదెవరో చూడాలి మరి..
ఈ టోర్నీలో ఇప్పటి వరకు పాకిస్థాన్‌కు ఎవరూ పోటీ ఇవ్వలేకపోయారు. అందుకు కారణం వారి టాప్ ఆర్డర్ బ్యాట్స్‌మెన్స్ బాబర్ ఆజం, మహ్మద్ రిజ్వాన్‌ల జోడీ. వీరిద్దరూ పరుగుల వర్షం కురిపిస్తున్నారు. మిడిలార్డర్‌లో మహమ్మద్‌ హఫీజ్, షోయబ్ మాలిక్, ఆసిఫ్ అలీలు తమ పాత్రలను అద్భుతంగా పోషించారు. పాకిస్థాన్ బౌలింగ్ కూడా బ్యాట్స్‌మెన్‌కు అండగా నిలిచింది. ఫాస్ట్ బౌలర్లు షహీన్ ఆఫ్రిది, హరీస్ రౌఫ్ ఫుల్ ఫాంలో ఉన్నారు. దీంతో పాటు ఇమాద్ వసీం, షాదాబ్ ఖాన్ ల స్పిన్ కూడా మాయాజాలం చేస్తోంది.
ఓపెనర్ డేవిడ్ వార్నర్ మళ్లీ ఫామ్‌లోకి రావడం ఆస్ట్రేలియా జట్టుకు అతిపెద్ద ఉపశమనం కలిగిస్తోంది. ఆస్ట్రేలియాకు ఫించ్, వార్నర్ రూపంలో ఓపెనింగ్ జోడీ బలంగా కనిపిస్తోంది. ఆ తర్వాత మిడిల్ ఆర్డర్‌లో మిచెల్ మార్ష్, స్టీవ్ స్మిత్, గ్లెన్ మాక్స్‌వెల్, మార్కస్ స్టోయినిస్, మాథ్యూ వేడ్ వంటి ఆటగాళ్లు వేగంగా పరుగులు సాధించగల సత్తా ఉన్నవారు. జోష్ హేజిల్‌వుడ్, మిచెల్ స్టార్క్, పాట్ కమ్మిన్స్ రూపంలో అతని పేస్ దళం బాగానే ఉంది.
జట్లు
ఆస్ట్రేలియా: ఆరోన్ ఫించ్ (కెప్టెన్), అష్టన్ అగర్, పాట్ కమిన్స్, జోష్ హేజిల్‌వుడ్, జోష్ ఇంగ్లిస్, మిచెల్ మార్ష్, గ్లెన్ మాక్స్‌వెల్, కేన్ రిచర్డ్‌సన్, స్టీవ్ స్మిత్, మిచెల్ స్టార్క్, మార్కస్ స్టోయినిస్, మిచెల్ స్వెప్సన్, మాథ్యూ వేడ్, జాంపా వార్నర్, ఆడమ్ జంపా.
పాకిస్థాన్: బాబర్ అజామ్ (కెప్టెన్), మహ్మద్ రిజ్వాన్, ఫఖర్ జమాన్, ఆసిఫ్ అలీ, షోయబ్ మాలిక్, మహ్మద్ హఫీజ్, షాదాబ్ ఖాన్, హరీస్ రవూఫ్, ఇమాద్ వాసీం, హైదర్ అలీ, మహ్మద్ నవాజ్, మహ్మద్ వసీం జూనియర్, సర్ఫరాజ్ అహ్మద్, షాహీన్ అఫ్రిది అలీ.
