అద్వితీయ ప్రదర్శనతో టీ20 ప్రపంచకప్లో ఫైనల్లో ప్రవేశించింది న్యూజిలాండ్. ఈసారి ఎలాగైనా టైటిల్ గెలవాలన్న పట్టుదలతో ఉంది. ఈ సమయంలో ఈ జట్టుకు గట్టి ఎదురుదెబ్బ తగిలింది. కివీస్ వికెట్ కీపర్, బ్యాటర్ డెవాన్ కాన్వే గాయం కారణంగా మెగాటోర్నీ ఫైనల్కు దూరమయ్యాడు. అలాగే నవంబర్ 17 నుంచి జరగబోయే టీమ్ఇండియాతో టీ20 సిరీస్ కూ అందుబాటులో ఉండట్లేదు.
ఇంగ్లాండ్తో జరిగిన సెమీఫైనల్ మ్యాచ్ లో అద్భుత బ్యాటింగ్తో అదరగొట్టాడు కాన్వే. 38 బంతుల్లో 46 పరుగులు చేసి జట్టు విజయంలో కీలకపాత్ర పోషించాడు. కాగా, ఈ మ్యాచ్లో ఔటయ్యాక అసంతృప్తితో పిడికిలితో బ్యాట్ను బలంగా బాదాడు.
ఈ సమయంలోనే ఇతడి చేతివేలుకు గాయమైంది. స్కానింగ్ చేసుకోగా చిటికిన వేలు విరిగినట్లు నిర్ధారణ అయింది. దీంతో కొంతకాలం పాటు అతడికి విశ్రాంతి అవసరమని సూచించారు వైద్యులు. ఔటయ్యాననే చిన్న అసంతృప్తితో చేసిన తప్పిదం ఇప్పుడు కీలక ఫైనల్ పోరుతో పాటు టీమ్ఇండియాతో టీ20 సిరీస్కు అతడు అందుబాటులో లేకుండా చేసింది.
