ప్రముఖ డిజిటల్ చెల్లింపు సేవల సంస్థ ‘గూగుల్ పే’ భారత్లో సరికొత్త ఫీచర్లను తీసుకొస్తున్నట్లు ప్రకటించింది. మాట్లాడడం ద్వారా అవతలి వారికి చెల్లింపులు చేసే విధంగా..స్పీచ్ టు టెక్స్ట్ఫీచర్ను అందుబాటులోకి తేనున్నట్లు తెలిపింది. యాప్లో హింగ్లీష్ (హిందీ ఇంగ్లీష్ కలిసి) భాషను ఎంచుకునేందుకు “ఇండస్ట్రీ ఫస్ట్ అండ్ ఏ ఫస్ట్ ఫర్ గ్లోబల్లీ ఫీచర్”ను కూడా తీసుకురానున్నట్లు ప్రకటించింది.
స్పీచ్ టు టెక్స్ట్ ఫీచర్తో మాటల ద్వారా గూగుల్పేలో కావాల్సిన ఖాతా నంబర్కు పేమెంట్ చేయొచ్చని అంబరీశ్ తెలిపారు. టైప్ చేసి పేమెంట్ చేసేటప్పుడు ఎలాంటి భద్రత అయితే ఉంటుందో.. స్పీచ్ టు టెక్స్ట్ ఫీచర్తోనూ అంతే భద్రత ఉంటుందని పేర్కొన్నారు. గ్రూపులుగా చెల్లింపులు చేసినప్పుడు బిల్లులను విభజించే సదుపాయాన్ని కూడా తీసుకురానున్నట్లు చెప్పారు.
కోటికిపైగా వ్యాపారులు గూగుల్ పేను వినియోగిస్తున్నారని అంబరీశ్ తెలిపారు. ప్రతిరోజు కొత్త వ్యాపారులు గూగుల్ పేలో చేరుతున్నారని చెప్పారు. మైషాప్ ఫీచర్..వ్యాపారులకు ఎంతో ఉపయోగకరంగా ఉంటుందని పేర్కొన్నారు. 7వ గూగుల్ ఫర్ ఇండియా ఈవెంట్లో పాల్గొన్న ఆయన ఈ ఫీచర్లను ప్రకటించారు.
