టీమ్ఇండియా మాజీ కెప్టెన్, రన్మెషీన్ విరాట్ కోహ్లీకి ఉన్న ఫ్యాన్ ఫాలోయింగ్ గురించి అందరికి తెలిసిందే. ఇప్పటివరకు 99 టెస్టులు ఆడిన విరాట్ కోహ్లీ.. 50.39 సగటున 7962 పరుగులు చేశాడు. వీటిలో 27 శతకాలు ఉన్నాయి. అలాగే వన్డే, టీ20లోనూ విరాట్ ప్రదర్శన ఆకట్టుకునేలా ఉంది. ఇప్పటివరకు ఎన్నో రికార్డులు తన పపేరిట లిఖించుకున్న కోహ్లీ ప్రతిష్టాత్మక 100వ టెస్టుకు సిద్ధం అవుతున్నాడు.
శ్రీలంకతో టెస్టు సిరీస్లో భాగంగా తొలి టెస్టు మొహాలీలోని ఐఎస్ బింద్రా స్టేడియంలో జరగనుంది. మరో టెస్టు బెంగళూరులోని చిన్నస్వామి స్టేడియంలో జరుగుతుంది. మొహాలీ వేదికగా తన 100వ అంతర్జాతీయ టెస్టు ఆడనున్నాడు. కొవిడ్ నేపథ్యంలో కొన్ని రోజులుగా అభిమానులకు స్టేడియంలోకి ప్రవేశం లేదు.
కానీ ప్రస్తుతం కరోనా విజృంభణ తగ్గడంతో అభిమానులను రాణిస్తారనే ఆశతో ఉన్నారు. కానీ వారికి నిరాశే మిగిలింది. మార్చి 4న జరిగే ఈ మ్యాచ్ కు పంజాబ్ క్రికెట్ అసోసియేషన్ ఫ్యాన్స్కు ఆ అవకాశాన్ని కల్పించట్లేదు. కొవిడ్ నేపథ్యంలో స్టేడియంలోకి ప్రేక్షకులను అనుమతించట్లేదని స్పష్టం చేసింది.
