‘Unstoppable with NBK‘ మూడవ సీజన్ ఇటీవల ప్రారంభమైన సంగతి తెలిసిందే. ఈ సీజన్ తొలి ఎపిసోడ్‌లో ‘భగవంత్ కేసరి’ మూవీ దర్శకుడు అనిల్ రావిపూడి, హీరోయిన్లు కాజల్ అగర్వాల్, శ్రీలీల సందడి చేశారు. తాజాగా మరో ఎపిసోడ్ స్ట్రీమింగ్‌కు సిద్ధమైంది. తాజాగా ‘యానిమల్(Animal)’ మూవీ టీమ్ ఈ షోలో సందడి చేసింది. ఇందుకు సంబంధించిన ప్రోమోని ఆహా సంస్థ విడుదల చేసింది. ఈ ప్రోమోలో బాలయ్య(Balakrishna) బాలీవుడ్ హీరో రణబీర్ కపూర్(Ranbir Kapoor), హీరోయిన్ రష్మిక మందన్నా(Rashmika Mandanna), దర్శకుడు సందీప్ రెడ్డి వంగాలతో కలిసి రచ్చ చేశారు. రష్మికతో రౌడీ హీరో విజయ్ దేవరకొండకి కాల్ చేయించారు. నవంబర్ 24న ఈ వైల్డ్ ఎపిసోడ్ రిలీజ్ చేస్తామంటూ ప్రోమో ద్వారా వెల్లడించింది.
Unstoppable with NBK | గ్యాంగ్‌స్టార్ బ్యాక్‌డ్రాప్ నేపథ్యంలో తెరకెక్కిన ఈ మూవీ డిసెంబర్ 1న ప్రపంచవ్యాప్తంగా విడుదల కానుంది. ఇక ఈ సినిమాలో సీనియర్ నటులు అనిల్ కపూర్, బాబీ డియోల్, సురేశ్ ఒబెరాయ్, శక్తి కపూర్, ప్రేమ్ చోప్రా నటించారు. ఇప్పటికే ఈ మూవీ నుంచి విడుదలైన పోస్టర్లు, పాటలు సినిమాపై భారీ అంచనాలు పెంచేశాయి.
