Health Benefits of Millet | మన భారత దేశంలోని రైతులు తొమ్మిదిరకాల చిరుధాన్యాలను పండిస్తున్నారు. అందుకే వాటిని నవరత్నాలుగా చెప్పుకోవచ్చు. ఇప్పుడు ఈ చిరుధాన్యాల గొప్పతనం గురించి తెలుసుకుందాం.
- Advertisement -
- కొర్రలు (ఫాక్స్ టెయిల్): కొర్రల్లో ఫైబర్, విటమిన్లు పుష్కలంగా ఉంటాయి. స్థూలకాయం, కీళ్లనొప్పులు, పార్కిన్సన్స్, మూర్చ, గుండె సంబంధిత వ్యాధులను నివారించే గుణం ఉంది.
- సామలు (లిటిల్ మిల్లెట్): సామల్లో విటమిన్లు, ఫైబర్, ప్రోటీన్లు, మినరల్స్, కార్బోహైడ్రేట్స్ ఉంటాయి. పీసీఓడీ, గర్భధారణ సమస్యలకు ఇదొక విరుగుడుగా చెబుతుంటారు.
- అరికలు (కొడొ మిల్లెట్): అరికలు మధుమేహ వ్యాధి నివారణకు దోహదం చేస్తాయి. శరీరంలో రోగ నిరోధక శక్తిని పెంచేందుకు ఉపయోగపడతాయి. ఇవి ఆహారంలో తీసుకుంటే రక్తహీనత అరికడుతుంది.
- ఊదలు/ కొడిసామ (బేరేయార్డ్ మిల్లెట్): ఊదలు గ్లూటిన్ రహితం కావడంతో కొలెస్ట్రాల్ నిరోధించబడుతుంది. లివర్, మూత్రపిండాల సమస్యలు రాకుండా ఉంటాయి. దీనితో ఇడ్లీ, ఉప్మా, దోసె తరహాలో వంటకాలు చేయవచ్చు.
5. రాగిచోది (ఫింగర్ మిల్లెట్): రాగిచోది ప్రధానంగా బరువు తగ్గించేందుకు ఉపయోగపడుతుంది. అలాగే రక్తహీనత రాకుండా నివారించగలదు. రాగి రొట్టె, రాగి జావలను ఇప్పుడు తెలుగు రాష్ట్రాలలో సర్వసాధారణంగా తీసుకుంటున్న విషయం తెలిసిందే.
- సజ్జలు (పెర్ల్ మిల్లెట్): శరీరంలోని విషాలను తొలగించి రోగ నిరోధక శక్తిని పెంచడం వీటి ప్రత్యేకత. టైప్ 2 మధుమేహానికి, గాలెన్స్ కి కూడా సజ్జలు విరుగుడు మార్గం. సజ్జరొట్టె, సజ్జ అంబలిని తెలుగు ప్రాంతాలలో విరివిగా తయారు చేస్తారు.
- అందు కొర్రలు (బ్రౌన్ టాప్ మిల్లెట్): వీటిలోను విటమిన్లు, ఫైబర్ ఉంటాయి. థైరాయిడ్, కీళ్లనొప్పులు, స్థూలకాయం, రక్తపోటు రాకుండా నివారించగలవు.
- వరిగ (ప్రోసో మిల్లెట్/ కామన్ మిల్లెట్): వరిగ లో ఫాలిక్ యాసిడ్, విటమిన్లు ఉంటాయి. కార్టినాయిడ్స్, పాలిఫెనోల్స్ వంటి యాంటీ ఆక్సిడెంట్లు ఇందులో ఉన్నాయి. అందుకే కొలస్ట్రాల్ ను అదుపు చేయడంలోను, రోగ నిరోధక శక్తికి తోడ్పడడంలోను వరిగ కి ప్రాధాన్యం ఉంది.
- జొన్నలు (గ్రేట్ మిల్లెట్/సార్గుమ్): ఇది చెడు కొలస్ట్రాల్ ను నివారిస్తుంది. జుట్టు రాలడం తగ్గిస్తుంది. జొన్నరొట్టె, జొన్న అంబలి విరివిగా తీసుకుంటారు.
