Varahi Tour |జనసేన అధినేత పవన్ కల్యాణ్ త్వరలోనే రాజకీయ కురుక్షేత్రంలోకి అడుగుపెట్టనున్నారు. ఏపీలో ముందస్తు ఎన్నికలు వచ్చే అవకాశం ఉందనే వార్తల నేపథ్యంలో ఆయన ఇకపై జనాల్లోనే ఉండనున్నారు. ఈ నెలాఖరుకు లేదా వచ్చే నెల మొదటివారం నుంచే వారాహి వాహనం ద్వారా ఎన్నికల ప్రచారానికి శ్రీకారం చుట్టనున్నారు. ఉభయ గోదావరి జిల్లాల నుంచే పవన్ ప్రచారం మొదలుపెట్టనున్నారని తెలుస్తోంది.
Varahi Tour |ఈ మేరకు ఇప్పటికే ఆ జిల్లాల నేతలతో పార్టీ సీనియర్ నేత నాదెండ్ల మనోహర్‌తో భేటీ అయి వారాహి రూట్ మ్యాప్‌పై చర్చించారు. త్వరలోనే పవన్ పర్యటన తేదీలు ఖరారు చేయనున్నారు. మరోవైపు టీడీపీతో పొత్తు ఉండనున్న క్రమంలో ఆ పార్టీ నేతలతోనూ చర్చలు జరపనున్నట్లు సమాచారం. ఏది ఏమైనా ఈసారి ఎన్నికల్లో ఎలాగైనా వైసీపీ ప్రభుత్వాన్ని గద్దె దించాలని పట్టుదలతో ఉన్న జనసేనాని అందుకు తగ్గట్లుగా పక్కా ప్రణాళికతోనే జనాల ముందుకు రానున్నట్లు జనసేన వర్గాలు చెబుతున్నాయి.
