హోలీ పండుగను పురస్కరించుకొని టాటా కార్లపై భారీ డిస్కౌంట్ ఆఫర్లు ప్రకటించింది. టాటా టియాగో, టిగోర్, హ్యారియర్ కార్లపై డిస్కౌంట్లు కొనసాగుతున్నాయి. మార్చి నెలలో ఈ కార్లను కొనుగోలు చేసిన వారికే మాత్రమే ఈ హోలీ ఆఫర్ వర్తించనుంది.
ఎంవై 2021 మోడల్లో వచ్చిన టాటా హ్యాచ్‌బ్యాక్ టియాగోపై రూ. 10,000 క్యాష్ బ్యాక్ను అందిస్తుంది. ఎంవై 2022 కార్ల కింద సుమారు రూ. 15 వేల వరకు క్యాష్ బ్యాక్ కూడా ఇవ్వనుంది సంస్థ. దీనితో పాటు మరో రూ. 3,000 వరకు కార్పొరేట్ తగ్గింపును కూడా వినియోగదారులు పొందవచ్చు. అయితే ఈ ఆఫర్లు కేవలం పెట్రోల్ వేరియంట్‌లకు మాత్రమే వర్తిస్తాయిని సంస్థ తెలిపింది.
టాటా టిగోర్ మీద కూడా ఇలాంటి డిస్కౌంట్లు ప్రకటించింది సంస్థ. సుమారు రూ. 10 వేల వరకు క్యాష్ బ్యాక్ను అందిస్తుంది. ఎక్స్ఛేంజ్ ఆఫర్లో మరో రూ. 15 వేల క్యాష్ బ్యాక్ ఇవ్వనుంది. కార్పొరేట్ డిస్కౌంట్ కింద మరో రూ. 3వేల వరకు అందస్తుంది. టిగోర్లో కేవలం పెట్రోల్ వేరియంట్లకే ఈ ఆఫర్లు వర్తించనున్నాయి.
టాటా హ్యారియర్ కార్లపై రూ. 20 వేల వరకు క్యాష్ డిస్కౌంట్ ప్రకటించింది సంస్థ. ఎక్స్ఛేంజ్ ఇన్సెంటివ్ కింద రూ. 40 వేలు ఇస్తుంది. దీనిలో కూడా కార్పొరేట్ డిస్కౌంట్ రూ. 5 వేల వరకు ఉంది.
టాటా నెక్సాన్ లోని ఐసీఈ డీజిల్ వేరియంట్లలో రూ. 15 వేల ఎక్స్ఛేంజ్ బోనస్ ఇవ్వనుంది. పెట్రోల్ వేరియంట్లపై కూడా ఇదే ఆఫర్ అందించనుంది. పెట్రోల్ వేరియంట్లో రూ. 3 వేల వరకు కార్పొరేట్ డిస్కౌంట్ను అందిస్తుంది. డీజిల్ వేరియంట్లపై ఈ డిస్కౌంట్ రూ. 5 వేల వరకు ఉంది.
