ప్రముఖ టెలికాం కంపెనీ ఎయిర్టెల్ తమ కస్టమర్లకు షాక్ ఇచ్చింది. టెలికాం దిగ్గజం ఎయిర్టెల్ ప్రీపెయిడ్ రీఛార్జ్ ధరలను పెంచుతునున్నట్లు ప్రకటించింది. ప్రస్తుతం అమల్లో ఉన్న ప్రీపెయిడ్ ప్లాన్స్, అన్లిమిటెడ్ వాయిస్ ప్యాక్లు, మొబైల్ డేటా రీఛార్జ్లపై ఉన్న ధరలపై 20-25 శాతం పెంచినట్లు తెలిపింది.
ఎంట్రీ లెవెల్ ప్రీపెయిడ్ ప్లాన్ ధర 25శాతం.. అన్లిమిటెడ్ వాయిస్ బండిల్స్ ధర 20 శాతం పెంచినట్లు పేర్కొంది. కొత్త ధరలు నవంబరు 26 నుంచి అమల్లోకి రానున్నట్లు వివరించింది. ఈ మేరకు సోమవారం ఒక ప్రకటన విడుదల చేసింది.
కొత్త ధరలు దేశంలో 5జీ సాంకేతికతను అందుబాటులోకి తెచ్చేందుకు ఉపయోగపడతాయని ఎయిర్టెల్ పేర్కొంది. కొత్త రేట్ల ప్రకారం వాయిస్ ప్లాన్స్ ధర ఇంతకుముందు రూ.79 కాగా ప్రస్తుతం రూ. 99కు చేరింది. 50 శాతం అధిక టాక్టైం, 200 జీబీ మొబైల్ డేటా, సెకనుకు 1పైసా వాయిస్ ఛార్జీలు వర్తిస్తాయి. ఈ ప్లాన్ గడువు 28 రోజులు ఉంది. ఈ పెంపు వల్ల ఒక్కో వినియోగదారుడిపై సగటు ఆదాయంరూ.200-300కు చేర్చాలని ఎయిర్టెల్ భావిస్తోంది.