అనంతపురం(Anantapur) జిల్లా తాడిపత్రి మండలం రావి వెంకటంపల్లిలో ఘోర రోడ్డు ప్రమాదం జరిగింది. తాడిపత్రి హైవేపై అదుపుతప్పిన కారు చెట్టును ఢీకొన్నది. దీంతో కారులో ప్రయాణిస్తున్న నలుగురిలో ముగ్గురు అక్కడికక్కడే దుర్మరణం చెందారు. వివరాల్లోకి వెళితే..
- Advertisement -
మోహన్ రెడ్డి అనే వ్యక్తి శుక్రవారం కారు కొనుగోలు చేశాడు. దీంతో ఫ్రెండ్స్‌కు పార్టీ ఇచ్చాడు. పార్టీ ముగించుకొని తిరిగి వస్తుండగా.. కారు ప్రమాదానికి గురైంది. ఈ ఘటనలో కారు యజమాని మోహన్ రెడ్డితో పాటు ఇద్దరు వ్యక్తులు మృతిచెందగా.. ఒకరికి తీవ్ర గాయాలయ్యాయి. క్షతగాత్రుడ్ని స్థానికంగా ఉన్న ఆసుపత్రికి తరలించి వైద్యం అందిస్తున్నారు. ప్రమాదానికి అతివేగం, మద్యం మత్తే కారణమని పోలీసులు భావిస్తున్నారు. పూర్తి వివరాలు తెలియాల్సి ఉంది.
