ఒడిశాలో ఘోర రోడ్డు ప్రమాదం చోటు చేసుకుంది. ఇప్పటికే జరిగిన ఎన్నో రోడ్డు ప్రమాదాలలో చాలామంది తమ ప్రాణాలను కోల్పోగా..తాజాగా ఒడిశాలోని గంజామ్-కంధమల్ సరిహద్దు వద్ద కళింగ ఘటి ప్రాంతంలో మంగళవారం అర్ధరాత్రి జరిగిన ఘోర రోడ్డు ప్రమాదంలో భారీ ప్రాణనష్టం చవిచూడవలసి వస్తుంది. టూరిస్ట్ బస్సు బోల్తా పడి ఆరుగురు మంది అక్కడిక్కడే ప్రాణాలు కోల్పోగా పరిసరప్రాంతాల్లో తీవ్ర ఉద్రిక్త పరిస్థితులు నెలకొన్నాయి.
ఈ ఘటనలో మరో 30 మంది తీవ్రంగా గాయపడడంతో అందులో 14 మందిని బెర్హమ్పుర్లోని ఎంకేసీజీ ఆసుపత్రికి తరలించారు. మరో 16 మందిని భంజానగర్ ఆసుపత్రికి తరలించి వైద్యుల సమక్షంలో మెరుగైన వైద్యం అందిస్తున్నారు. దారింగ్బడి నుంచి బంగాల్కు ప్రయాణిస్తున్నక్రమంలో బస్సులో బ్రేక్ ఫేల్యూర్ అయ్యి ఈ ప్రమాదానికి దారితీసిందని పోలీసులు నిర్దారించారు.